सोमवार, आश्विन २६ गते २०८३
सोमवार, आश्विन २६ गते २०८३
आइतवार , आश्विन २५, २०८३
धनगढी, असोज ।
सुदूरपश्चिम प्रदेश सरकारले चालु आर्थिक वर्षका लागि ३७ अर्ब ७० करोड ३९ लाख रुपियाँको बजेट सार्वजनिक गरेको छ ।
यसअघि असार १ गते प्रस्तुत बजेट असफल भएपछि चालु आर्थिक वर्षका लागि प्रदेश सरकारले परिमार्जित र संशोधन गरेर दोस्रो पटक बजेट प्रस्तुत गरेको हो ।
आर्थिक मामिलामन्त्री चक्रबहादुर मल्लले आज बसेको प्रदेश सभाको बैठकमा बजेट प्रस्तुत गरे । प्रदेश सरकारले पुँजीगत र चालु खर्च नछुट्याइ बजेट सार्वजनिक गरेको छ ।
बजेटको स्रोतहरुमा आन्तरिक राजस्व एक अर्ब ७२ करोड, नेपाल सरकारबाट राजस्व बाँडफाँटबाट प्राप्त हुने अनुमानित रकम १० अर्ब २४ करोड ९१ लाख रुपियाँ रहेको जनाइएको छ ।
यसैगरी, सङ्घीय रोयल्टी बाँडफाँटबाट प्राप्त हुने रकम सात करोड, नेपाल सरकारबाट प्राप्त हुने वित्तीय समानीकरण अनुदान नौ अर्ब छ करोड ३३ लाख, आर्थिक वर्ष २०८२-८३ को बचत रकम नौ अर्ब ६५ करोड, सशर्त अनुदानतर्फ प्राप्त हुने रकम छ अर्ब तीन करोड ५८ लाख रुपियाँ रहेको छ ।
यस्तै, सङ्घीय समपूरक अनुदानबाट प्राप्त हुने अनुमानित रकम ३८ करोड ८० लाख र विशेष अनुदान ५२ करोड ७६ लाख रुपियाँ रहेको मन्त्री मल्लले जानकारी दिए ।
