आइतवार, आश्विन ४ गते २०८३
आइतवार, आश्विन ४ गते २०८३
शुक्रवार , आषाढ २६, २०७७
कविता लेख्दा वेदका ऋचा झै अति नै शक्तिशाली र सुमधुर शब्द लेख्न सकियोस् !
आमाको ममता सरि अपूर्व बनेर सम्पूर्ण मानव र यो देशको पनि भलाई मेरा शब्दले गरोस् !!
कविता हाम्रो हिमाल र यो देशको नक्सा झैँ सुन्दर,शान्त विशाल बनाएर लेखिएको काव्य झैँ होस्!
नेपाली मनको आशा र विश्वास सरि चोखो र सङ्लो अनि अबोध पनि बनोस् !!
अनि यसो पनि होस :
हिमालका हरेक सुन्दर लहरहरुझै
शब्द मिठा बुनियोस् !!
माहा भारतका कथा झैँ कविता
सुनिरहुँ जस्तो होस् !!
रामायणका सुन्दर काण्डझैँ
निरुत्तरित प्रश्न बनोस !
वेदकाऋ्चा भन्दा नि सुन्दर
हरेक हरफ बनोस् !!
१
चट्टानसित पुगेर ठोकिदा कविता संजीवनी बनोस् !
नदीमा पुगेर पढ्दा कविता उर्जाको मेघावाट झैँ बनोस् !!
२
घामको किरणसित मिलेर कविताले जगतको श्रृष्ठी थामोस्!
चन्द्र छेउ पुग्दा कविता मनको मायालु भाव र शोभा नै बनोस !!
३
चौध अञ्चल पुग्दा कविता देशको विकासको मन्त्र बनोस् !
सतहत्तर जिल्ला पुगेर कविता सातै प्रदेशको समृद्दि मागोस्!!
४
कर्णाली र सिञ्जा पुगेर तिनै क्षेत्रको बिकासको नीति कोरोस् !
अव त मेरो देश नै कविको कल्पनाको सुन्दर एउटा देश बनोस् !!
५
कविताले हरेक मनको सारा दम्भ
जति तोड़ोस्!
कविता माइतीको असल मायाँ
जस्तो सौम्य होस् !!
६
कविता मायालुको पवित्र अङ्गालो झै न्यानो र मिठो बनोस् !
कविता सन्तानको मायाँ आफैसाथ
र आमा बाबाको ममता झैँ होस् !!
७
कविता मिठो भोजन झैँ पवित्र र स्वादिलो बनोस् !
कविता कविको सुन्दर कल्पनामय हृदय झैँ कोमल होस् !!
कविताले देशको विकास र समृद्दि
पनि सॅधै बढाओस्!
जनताका खातिर त्याग र तप गर्ने
शब्द सत्तासिनलाई दियोस्!!
८
कविता कुनैपनि देशको गरिमा र
ताज झै बनोस!
यो विश्व बजारमा पुगेर हिमालहरुको प्रतिक बनोस्
!!
मेरो देशको हरेक कण कणमा बसेर नेपालीको मन भरी ज्ञान छरोस् !
कविताले एउटा सद्दवीज छरोस् र नेपाली मनलाई एक सुत्रमा बाँधेर हिमाल पाहाड र तराइको सेतु बनोस् !!९
“सुवा"
