शुक्रवार, भाद्र १२ गते २०८३
शुक्रवार, भाद्र १२ गते २०८३
बिहिवार , भाद्र ११, २०८३
काठमाडौँ, भदौ। परराष्ट्रमन्त्री शिशिर खनाल र बङ्गलादेशका विदेशमन्त्री डा खलिलुर रहमानबिच बिहीबार टेलिफोन वार्ता भएको छ ।
टेलिफोन वार्ताका क्रममा दुई परराष्ट्रमन्त्रीबिच नेपालमा बुधबार भएको विपद्पछि जारी खोज, उद्धार तथा राहतकार्यका विषयमा छलफल भएको परराष्ट्र मन्त्रालयले जनाएको छ ।
सो अवसरमा परराष्ट्रमन्त्री खनालले बाढीबाट आक्रान्त नेपाललाई अत्यावश्यक सहयोग गर्ने प्रस्ताव गरेकामा बङ्गलादेश सरकारप्रति धन्यवाद व्यक्त गर्नुभयो । उहाँले बाढीपीडितको उद्धार, राहत र सहयोगका विषयमा नेपालले बङ्गलादेशसँग निकट समन्वय कायम राख्ने बताउनुभयो ।
रसुवामा आएको बाढीबाट प्रभावित क्षेत्रमा खोज, उद्धार तथा राहतकार्य जारी रहेको विषम अवस्थामा दुई देशका विदेशमन्त्रीबिच उक्त टेलिफोन वार्ता भएको हो । रासस
