बिहिवार, कार्तिक २० गते २०८३
बिहिवार, कार्तिक २० गते २०८३
बिहिवार , बैशाख २३, २०७८
पालगञ्ज, वैशाख । बाँकेमा गत केही दिन यता आएर कोरोना सङ्क्रमित सङ्क्रमण मुक्त हुने क्रम तीव्र गतिमा बढ्दै गएको छ । बुधवारसम्म दैनिक सयभन्दा बढी सङ्क्रमित निको भएर सङ्क्रमणमुक्त भै डिस्चार्ज हुने क्रम जारी रहेकोमा विहीबार एकैदिन ५०८ संक्रमणमुक्त भएको जिल्ला कोभिड १९ सङ्कट व्यवस्थापन केन्द्र बाँकेले जनाएको छ ।
यति धेरै सङ्ख्यामा एकैदिन सङ्क्रमणमुक्त भएको यो नै पहिलो भएको जिल्ला कोभिड १९ सङ्कट व्यवस्थापन केन्द्र बाँकेका कोरोना फोकल पर्सन तेज ओलीले बताएका छन। उनले बाँकेमा बिहीवार २४१ महिला र २६७ पुरुष गरी जम्मा ५०८ कोरोना सङ्क्रमणमुक्त भइ डिस्चार्ज भएको जनाए ।
सङ्क्रमित भएर होम आइसोलेसन र जिल्लाका अन्य विभिन्न आइसोलेसनमा रहनुभएका सङ्क्रमित सङ्क्रमणमुक्त भएको जिल्ला कोभिड १९ सङ्कट व्यवस्थापन केन्द्र बाँकेले जनाएको छ ।
जिल्लामा कोरोना विजेता बढ्दै गएपछि अस्पतालमा भर्ना भएका बिरामी सङ्क्रमितको पनि मनोबल बढेको भेरी अस्पतालले जनाएको छ ।
सो अस्पतालका सुचना अधिकारी डा. संकेतकुमार रिसालले बिहीबार ५०८ सङ्क्रमणमुक्त भएपछि लक्षण भएका र नभएका अन्य सङ्क्रमितको मनोबल निकै उच्च भएको बताएका छन ।
उनले समयमै कोरोना परीक्षण गराउने, सुरक्षाका उपाय अपनाउने र चिकित्सकको सल्लाह अनुसार औषधि सेवनसँगै अन्य दिनचर्या गर्ने हो भने कोरोनालाई सहज रुपमै पराजित गर्न सकिने बताए ।
