बिहिवार, कार्तिक २० गते २०८३
बिहिवार, कार्तिक २० गते २०८३
बिहिवार , बैशाख १६, २०७८
नेपालगञ्ज, वैशाख । बाँकेको भेरी अस्पताल र मेडिकल कलेजमा उपचार गराईरहेका थप आठ जना संक्रमितको उपचारकै क्रममा मृत्यु भएको छ ।
उनिहरुको मृत्यु गए राती ९ बजेदेखि विहिबार विहान ८ बजे भित्र भएको जिल्ला कोभिड १९ संकट व्यवस्थापन केन्द्र बाँकेले जनाएको छ ।
जिल्ला कोभिड संकट ब्यवस्थापन केन्द्रका अनुसार गएराती ८ः५५ बजे नेपालगञ्ज १३ का ५८ वर्षिय पुरुष संक्रमितको मेडिकल कलेजमा मृत्यु भएको थियो भने त्यसको ठीक ५ मिनेट पछि कोहलपुर ११ निवासी ४३ वर्षिया महिलाको पनि मेडिकल कलेजमै र नेपालगञ्ज ४ का ६० वर्षीय पुरुषको भेरी अस्पतालमा मृत्यु भएको थियो ।
सोही प्रकारले नेपालगञ्ज ९ का ४२ वर्षीय पुरुषको भेरी अस्पतालमा गएराती १० बजे मृत्यु भएको तथा बर्दिया, बढैयाताल गाउँपालिका ८ का ३२ वर्षीय पुरुषको मेडिकल कलेजमा राती १ बजे मृत्यु भएको बाँकेका कोरोना फोकल पर्सन तेज ओलीले बताए ।
यसैगरि नेपालगञ्ज ५ निवासी ५५ वर्षीय पुरुषको विहिबार विहान ५ बजे मेडिकल कलेजमा, लम्की चुहा नगरपालिका १ कैलालीका ४३ बर्षिय पुरुषको विहिबार विहान ७ः५० बजे तथा खजुरा गाउँपालिका २ का ६७ वर्षिया महिलाको विहिबार विहान ८ बजे भेरी अस्पतालमा मृत्यु भएको फोकल पर्सन ओलीले जानकारी िदएका छन ।
उनका अनुसार कोरोना संक्रमणबाट हालसम्म बाँकेका मात्रै १०६ र बाहिरी जिल्लाबाट उपचारका लागि आएका १०९ को मृत्यु भइसकेको छ ।
