बिहिवार, कार्तिक २० गते २०८३
बिहिवार, कार्तिक २० गते २०८३
बुधवार , बैशाख १५, २०७८
काठमाडौं, वैशाख । नेपालमा कोरोना भाइरसका चार हजार ७७४ सङ्क्रमित थपिएका छन् । पछिल्लो चौबीस घण्टामा १३ हजार ८७९ को आरटीपीसीआर परीक्षण गरिएकोमा चार हजार ७७४ मा सङ्क्रमणको पुष्टि भएको हो ।
स्वास्थ्य तथा जनसङ्ख्या मन्त्रालयले आफ्नो नियमित पत्रकार सम्मेलनको क्रममा चौबीस घण्टामा थपिएका सङ्क्रमितसँगै नेपालमा कोरोनाका कुल सङ्क्रमितको सङ्ख्या तीन लाख १२ हजार ६९९ पुगेको जनाएको छ ।
मन्त्रालयका अनुसार पछिल्लो चौबीस घण्टामा ७७३ सङ्क्रमित निको भएर घर फर्केका छन् । सङ्क्रमित बढ्दै जाँदा र निको हुने कम हुँदा सङ्क्रमित निको हुने दर ८९.३ प्रतिशतमा झरेको छ ।
मन्त्रालयका अनुसार पछिल्लो चौबीस घण्टामा ९५५ को एन्टीजेन परीषण गरिएको छ । जसमध्ये १२३ मा पोजिटिभ पाइएको छ ।
मन्त्रालयले पछिल्लो चौबीस घण्टामा काठमाडौं उपत्यकामा मात्रै दुई हजार ४७ मा सङ्क्रमणको पुष्टि भएको जनाएको छ । भक्तपुरमा २३२, ललितपुरमा ३५१ र काठमाडौंमा एक हजार ४६४ जना सङ्क्रमित पहिचान गरिएको छ ।
मन्त्रालयले हाल ३१७ आईसीयू र ९८ भेन्टिलेटरमा रहेको जनाएको छ । हाल ५४ क्वारेन्टिनमा र ३० हजार २०९ आइसोलेशनमा छन् ।
