बिहिवार, कार्तिक २० गते २०८३
बिहिवार, कार्तिक २० गते २०८३
शनिवार , बैशाख ४, २०७८
काठमाडौं, वैशाख । नेपालमा कोरोना भाइरसका ७६८ सङ्क्रमित थपिएका छन् ।
पछिल्लो चौबीस घण्टामा पाँच हजार ३३३ को आरटीपीसीआर परीक्षण गरिएकोमा ७६८ कोभिडबाट सङ्क्रमित भएको पहिचान गरिएको छ ।
स्वास्थ्य तथा जनसंख्या मन्त्रालयले कोभिड १९ सम्बन्धी दैनिक बिवरण अद्यावधिक गर्दै पछिल्लो चौबीस घण्टामा थपिएका सङ्क्रमितसँगै नेपालमा कोरोनाका कुल सङ्क्रमितको संख्या दुई लाख ८३ हजार ६५८ पुगेको जनाएको छ ।
पछिल्लो चौबीस घण्टामा २२६ सङ्क्रमित निको भएर घर फर्केका छन् । हालसम्म दुई लाख ७५ हजार ३८ सङ्क्रमित निको भएका छन् ।
मन्त्रालयका अनुसार नेपालमा हाल पाँच हजार ५४५ मा भाइरसको सङ्क्रमण सक्रिय छ । ७४ हाल क्वारेन्टिनमा छन् ।
मन्त्रालयले एन्टीजेन विधिबाट गरिएको परीक्षणमा ७५ मा पोजिटिभ परिणाम पाइएको उल्लेख गरेको छ । ६७१ को एन्टीजेन परीक्षण गरिएको थियो ।
मन्त्रालयका अनुसार पछिल्लो चौबीस घण्टामा पाँच सङ्क्रमितको मृत्युको पुष्टि भएको छ ।
