बिहिवार, कार्तिक २० गते २०८३
बिहिवार, कार्तिक २० गते २०८३
बिहिवार , बैशाख २, २०७८
काठमाडौं, वैशाख । नेपालमा कोरोना भाइरसका ४९० नयाँ सङ्क्रमितको पहिचान गरिएको छ । स्वास्थ्य तथा जनसङ्ख्या मन्त्रालयका अनुसार पछिल्लो चौबीस घण्टामा तीन हजार ५८८ को आरटीपीसीआर परीक्षण गरिएकोमा ४९० मा सङ्क्रमण पुष्टि भएको हो ।
यस्तै, ५६४ वटा एन्टिजिन परीक्षणमा ४४ सङ्क्रमितको पहिचान गरिएको छ । मन्त्रालयको कोभिड १९ सम्बन्धी अद्यावधिक विवरणमा पछिल्लो चौबीस घण्टामा थपिएका सङ्क्रमितसँगै नेपालमा कुल सङ्क्रमितको सङ्ख्या दुई लाख ८२ हजार ५४ पुगेको जानकारी गराएको छ ।
पछिल्लो चौबीस घण्टामा १५७ सङ्क्रमित निको भएर घर फर्केका छन् । हालसम्म दुई लाख ७४ हजार ६०४ निको भइसकेका छन् ।
पछिल्लो चौबीस घण्टामा कोभिड सङ्क्रमणले ५ ब्यक्तिको मृत्युको पुष्टि भएको छ । हालसम्म नेपालमा कोरोना सङ्क्रमणबाट तीन हजार ६६ को मृत्यु भएको छ । हाल चार हजार ३८४ आइसोलेशनमा र ६० क्वारेन्टिनमा छन् ।
