बिहिवार, कार्तिक २० गते २०८३
बिहिवार, कार्तिक २० गते २०८३
मंगलवार , चैत्र ३१, २०७७
काठमाडौं, चैत । नेपालमा कोरोना भाइरसका ४६० नयाँ सङ्क्रमितको पहिचान गरिएको छ ।
स्वास्थ्य तथा जनसङ्ख्या मन्त्रालयका अनुसार पछिल्लो चौबीस घण्टामा चार हजार ३८६ को आरटीपीसीआर परीक्षण गरिएकोमा ४६० मा सङ्क्रमण पुष्टि भएको हो ।
मन्त्रालयको कोभिड १९ सम्बन्धी अद्यावधिक विवरणमा पछिल्लो चौबीस घण्टामा थपिएका सङ्क्रमितसँगै नेपालमा कुल सङ्क्रमितको सङ्ख्या दुई लाख ८० हजार ९४८ पुगेको जानकारी गराएको छ ।
पछिल्लो चौबीस घण्टामा १५३ सङ्क्रमित निको भएर घर फर्केका छन् । हालसम्म दुई लाख ७४ हजार ३१८ निको भइसकेका छन् । पछिल्लो चौबीस घण्टामा कोभिड सङ्क्रमणले ५ ब्यक्तिको मृत्युको पुष्टि भएको छ ।
हालसम्म नेपालमा कोरोना सङ्क्रमणबाट तीन हजार ५८ को मृत्यु भएको छ । हाल तीन हजार ६०८ आइसोलेशनमा र ८५ जना क्वारेन्टिनमा छन् ।
