बिहिवार, कार्तिक २० गते २०८३
बिहिवार, कार्तिक २० गते २०८३
शुक्रवार , फाल्गुण ७, २०७७
काठमाडौं, फाल्गुन । नेपालमा कोरोना भाइरसका ९७ सङ्क्रमित थपिएका छन् । पछिल्लो चौबीस घण्टामा दुई हजार ९३१ जनाको आरटीपीसीआर परीक्षण गरिएकोमा ९७ मा सङ्क्रमणको पुष्टि भएको हो ।
स्वास्थ्य तथा जनसंख्या मन्त्रालयले कोभिड १९ सम्बन्धी दैनिक विवरण अद्यावधिक गर्दै पछिल्लो चौबीस घण्टामा ११४ सङ्क्रमित निको भएको उल्लेख गरेको छ ।
मन्त्रालयका अनुसार थपिएका सङ्क्रमितसँगै नेपालमा कुल सङ्क्रमितको संख्या दुई लाख ७३ हजार २६३ पुगेको छ । हाल एक हजार ५८३ मा भाइरसको सङ्क्रमण सक्रिय रहेको छ ।
हालसम्म दुई लाख ६९ हजार ६१९ सङ्क्रमित सङ्क्रमणमुक्त भएका छन् । मन्त्रालयका अनुसार पछिल्लो चौबीस घण्टामा तीन सङ्क्रमितको मृत्यु भएको छ ।
हालसम्म दुई हजार ६१ कोरोना सङ्क्रमितले सङ्क्रमणबाट ज्यान गुमाएका छन् । हाल एक हजार ५८३ आइसोलेशनमा र ६८ क्वारेन्टिनमा छन् । हालसम्म २१ लाख ३४ हजार २६१ को आरटीपीसीआर परीक्षण गरिएको छ ।
