बिहिवार, कार्तिक २० गते २०८३
बिहिवार, कार्तिक २० गते २०८३
मंगलवार , माघ २०, २०७७
काठमाडौं, माघ । नेपालमा कोरोना भाइरसका १७१ सङ्क्रमित थपिएका छन् । स्वास्थ्य तथा जनसंख्या मन्त्रालयले कोभिड १९ सम्बन्धी दैनिक विवरण अद्यावधिक गर्दै नेपालमा कोरोनाका कुल सङ्क्रमितको संख्या दुई लाख ७१ हजार २८९ पुगेको जनाएको छ ।
पछिल्लो चौबीस घण्टामा दुई हजार ९४६ को पीसीआर परीक्षण गर्दा कोरोना भाइरसका एकसय ७१ सङ्क्रमित थपिएका हुन् ।
अहिलेसम्म २० लाख ७८ हजार ९८ वटा पीसीआर परीक्षण भइसकेको छ । देशका विभिन्न अस्पतालबाट २५९ सङ्क्रमित सङ्क्रमणमुक्त भई घर फर्केको मन्त्रालयले जनाएको छ ।
याेसँगै नेपालमा कोरोना निको हुनेको संख्या दुई लाख ६६ हजार ८५९ पुगेको छ । नेपालमा कोरोना निको हुनेको प्रतिशत ९८.३७ मा उक्लेकाे छ ।
पछिल्लो चौबीस घण्टामा एक सङ्क्रमितकाे मृत्यु भएकाे मन्त्रालयले उल्लेख गरेको छ । याेसँगै अहिलेसम्म दुई हजार ३० सङ्क्रमितकाे मृत्यु भएकाे थियाे ।
हाल दुई हजार चारसयमा भाइरसको सङ्क्रमण सक्रिय रहेकाले आइसोलेशनमा बसेर उपचार भैरहेकाे छ । क्वारेन्टिनमा ९५ मात्र छन् ।
