बिहिवार, कार्तिक २० गते २०८३
बिहिवार, कार्तिक २० गते २०८३
आइतवार , मंसिर १४, २०७७
काठमाडौं, मंसिर । विशेषज्ञ तहको चिकित्सकहरुको लाइसेन्स परीक्षामा ७३ दशमलव ३ प्रतिशत परीक्षार्थी उत्तीर्ण भएका छन् । नेपाल मेडिकल काउन्सिलले शुक्रबार र शनिबार ५ चरणमा दर्ता प्रमाणपत्र लाइसेन्सको परीक्षा लिएको थियो ।
काउन्सिलले लिएको परीक्षामा ८३९ सहभागी भएका थिए भने ६१५ मात्रै उत्तीर्ण भएका छन् । सहभागीमध्ये २२४ अनुत्तीर्ण भए भने ४ अनुपस्थित र १ को परीक्षा स्थगित गरिएको नेपाल मेडिकल काउन्सिलले जनाएको छ ।
यस्तै काउन्सिलले नर्सिङ तथा मिडवाइफहरुको दर्ता प्रमाणपत्र लाइसेन्स परीक्षाको पनि नतिजा प्रकाशन गरेको छ । काउन्सिलले शनिबार लिएको परीक्षामा नर्सिङतर्फका ४९ दशमलव २९ प्रतिशत उत्तीर्ण भएका छन् ।
यस्तै मिडवाइफतर्फ भने ६६ दशमलव ६६ प्रतिशत उत्तीर्ण भएका छन् । १ हजार २७० नर्सिङ परीक्षामा सहभागी भएका थिए भने ६२६ उत्तीर्ण भएका छन् ।
