बिहिवार, कार्तिक २० गते २०८३
बिहिवार, कार्तिक २० गते २०८३
बुधवार , कार्तिक ५, २०७७
चितवन, कात्तिक । चितवनमा थप १०४ मा कोरोना संक्रमण पुष्टि भएको छ । भरतपुर अस्पताल कोभिड अस्पतालमा मंगलबार गरिएको परीक्षणमा चितवनका ४६ सहित ४९ मा कोरोना भाइरस संक्रमण पुष्टि भएको छ ।
यस्तै, चितवन मेडिकल कलेजमा गरिएको परीक्षणमा जिल्लाका ५८ सहित ८४ मा कोरोना संक्रमण पुष्टि भएको हो ।
भरतपुर अस्पताल कोभिड–१९ प्रयोगशालामा गरिएको परीक्षणमा संक्रमण पुष्टि हुनेमा चितवनको भरतपुर महानगरपालिकाका मात्रै २३ छन् । जसमध्ये ११ पुरुष र १२ महिला रहेका छन्
यस्तै, खैरहनी नगरपालिकाका १० मा संक्रमण पुष्टि भएको छ । जसमध्ये ४ पुरुष र ६ महिला रहेका छन् । उनीहरु १४ देखि ६१ वर्ष उमेर समूहका छन् । उनीहरु सबैको क्वारेन्टिनबाट स्वाब संकलन गरिएको हो ।
त्यस्तै माडी नगरपालिकाका ५ पुरुष र एक महिला गरी ६ मा संक्रमण पुष्टि भएको छ । उनीहरु २० देखि ५२ वर्ष उमेर समूहका छन् । उनीहरु सबैको क्वारेन्टिनबाट स्वाब संकलन गरिएको हो ।
त्यस्तै रत्ननगर नगरपालिकाका २ पुरुष र ३ महिला गरी ५ मा संक्रमण पुष्टि भएको छ । उनीहरु २३ देखि ३२ वर्ष उमेर समूहका छन् । उनीहरुको भरतपुर अस्पताल र क्वारेन्टिनबाट स्वाब संकलन गरिएको हो ।
यस्तै कालिका नगरपालिकाका १ पुरुष र राप्ती नगरपालिकाका १ पुरुषमा संक्रमण पुष्टि भएको छ ।
यस्तै, चितवन मेडिकल कलेजमा गरिएको परीक्षणमा भरतपुर महानगरपालिकाका ४६, रत्ननगर नगरपालिकाका ९, खैरहनी नगरपालिका, राप्ती नगरपालिका र इच्छाकामना गाउँपालिकाका एक–एक मा कोरोना संक्रमण पुष्टि भएको छ ।
बाँकी २६ जना नवलपुर, तनहुँ, गोरखा, बारा, काठमाडौं र ललितपुरका छन् ।
