बिहिवार, कार्तिक २० गते २०८३
बिहिवार, कार्तिक २० गते २०८३
शनिवार , कार्तिक १, २०७७
काठमाडौं, कार्तिक। बाँकेमा कोरोनाबाट थप दुई जनाको मृत्यु भएको छ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठका अनुसार, नेपालगञ्ज उपमहानगरपालिका वडा नं. १० भृकुटीनगरका ६१ वर्षीय पुरुष र नेपालगञ्ज उपमहानगरपालिका वडा नं. १८ कारकादोका १८ वर्षीया किशोरीको मृत्यु भएको छ ।
स्वास्थ्यमा समस्या भएपछि असोज २४ गते भर्ना भएका भृकुटीनगरका ६१ वर्षीय पुरुषको भोलीपल्ट कोरोना पोजिटिभ रिपोर्ट आएको थियो । उनको शुक्रबार राती नौ बजे मृत्यु भएको हो । उनको भेरी अस्पतालमा मृत्यु भयो ।
त्यस्तै, कारकादोकी १८ वर्षीया किशोरीको पनि शुक्रबार राति साढे नौ बजे कोहलपुर मेडिकल कलेजमा मृत्यु भएको हो ।
असोज २८ गते अस्पताल पुगेकी किशोरीलाई २९ गते कोरोना पुष्टि भएको थियो । दुई ठूला अस्पतालमा आधा घण्टाको फरकमा दुई जनाको मृत्यु भएको छ । योसँगै जिल्लामा कोरोनाबाट मृत्यु हुनेको संख्या २९ पुगेको छ ।
