बिहिवार, कार्तिक २० गते २०८३
बिहिवार, कार्तिक २० गते २०८३
बुधवार , आश्विन २१, २०७७
काठमाडौँ, असोज । नेपालमा कोरोना भाइरसका तीन हजार ४३९ सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा १४ हजार २०९ जनाको आरटीपीसीआर परीक्षण गरिएकोमा साे संख्यामा सङ्क्रमित थपिएका हुन् ।
स्वास्थ्य तथा जनसंख्या मन्त्रालयले आफ्नो नियमित प्रेस ब्रिफिङ्को साे सङ्क्रमितसहित ९४ हजार २५३ मा सङ्क्रमण पुष्टि भएको जनाएको हो । हाल २५ हजार सात जनामा भाइरसको सङ्क्रमण सक्रिय छ । साेही संख्यामा हाेम र संस्थागत आइसाेलेसनमा बसेका छन् । क्वारेन्टिनमा चार हजार १६४ छन् ।
मन्त्रालयले पछिल्लो चौबीस घण्टामा एक हजार १२६ कोरोना सङ्क्रमित निको भएर घर फर्केकाे बताएकाे छ । हालसम्म ६८ हजार ६६८ सङ्क्रमित निको भएर घर फर्केका छन् । सङ्क्रमण सक्रिय भएकामध्ये २३३ आइसीयू र ३७ भेन्टिलेटरमा रहेर उपचार गराइरहनुभएकाे छ ।
मृत्यु
पछिल्लो चौबीस घण्टामा १५ जनाकाे काेराेना भाइरसका कारणले मृत्यु भएकाे छ । याेसँगै नेपालमा कुल ५७८ काे मृत्यु भएकाे पत्रकार सम्मेलनमा जानकारी दिइएकाे छ ।
