बिहिवार, कार्तिक २० गते २०८३
बिहिवार, कार्तिक २० गते २०८३
मंगलवार , भाद्र ३०, २०७७
काठमाडौँ, भदाै । गण्डकी प्रदेशमा मंगलबार थप ४७ जना कोरोना संक्रमित थपिएका छन् ।
क्षयरोग उपचार केन्द्र, पोखरा परिक्षणमा गण्डकी प्रदेशमा मंगलबार थप ४७ जनामा कोरोना पुष्टि भएको हो ।
नयाँ संक्रमितहरुमा नवलपरासी पूर्वका २० जना, स्याङजाका १२ जना, तनहुँका ७ जना, कास्कीका ३ जना, तनहुँका २ जना, गोरखा, लमजुङ र मनाङका एक एक जना रहेका छन् ।
नयाँ संक्रमितमा तनहुँ जिल्ला, सुक्लागण्डकी-१० का २३ बर्षीय महिला पोखरा स्वास्थ्य बिज्ञान प्रतिष्ठान, पोखरामा उपचाररत हुन् भने पोखरा महानगरपालिका १४ र १ का २ जना पुरुष नमुना परिक्षणको लागि सोहि अस्पतालमा आएका हुन् ।
त्यसैगरी पोखरा महानगरपालिकाका ३२ बर्षीय महिला सृजनाचोक, पोखरामा रहेको मेट्रोसिटी अस्पतालमा कार्यरत सफाई कर्मचारी हुन् भने लमजुङ जिल्लाका १ जना ७० बर्षीय पुरुष बेशीसहरमा रहेको मोडल अस्पतालमा उपचाररत हुन् ।
अहिलेसम्म प्रदेशमा कोरोनको संक्रमणबाट निको हुनेको संख्या १८९५ रहेको छ भने निको हुने दर ६०.८९ प्रतिशत रहेको स्वास्थ्य निर्देशनालयले जानकारी दिएको छ ।
त्यस्तै प्रदेशमा अहिलेसम्म ३११२ जना संक्रमित भएका छन् । प्रदेशमा अहिले सक्रिय संक्रमितको संख्या ११ सय ८७ रहेको स्वास्थ्य निर्देशनालयले जानकारी दिएको छ ।
थप एक जनाको मृत्यु
गण्डकी प्रदेशमा कोरोनाबाट पछिल्लो मृत्युमा गोरखा जिल्ला, बारपाक सुलिकोट-८ स्थायी ठेगाना भएकी ६३ बर्षीय महिला रहेकी छन् ।
उनको भदौ २९ गते बिरेन्द्र अस्पताल, छाउनी काठमाडौँमा निधन भएको हो । उनको भदौ २५ गते कोरोना पुष्टि भएको थियो । उनी क्यान्सर रोगी समेत थिइन्
