बिहिवार, कार्तिक २० गते २०८३
बिहिवार, कार्तिक २० गते २०८३
मंगलवार , मंसिर २४, २०७६
काठमाडौं । प्रतिस्पर्धात्मक जितका साथ नेपालले १३औं सागको पुरुष फुटबलतर्फ स्वर्ण पदक जित्न सफल भएको छ ।
मंगलबार दशरथ रंगशालामा भएको फाइनल भिडन्तमा नेपालले भुटानमाथि २–१ को जित निकाल्दै स्वर्ण पक्का गरेको हो । नेपालले गत संस्करणमा पनि स्वर्ण जितेको थियो ।
फाइनल खेलमा नेपालका लागि १७औं मिनटमा अभिषेक रिजालले गोलको खाता खोलेका थिए । तर ३७औं मिनटमा चेन्चो ग्याल्सेनले गोल गर्दै खेललाई बराबरीमा ल्याएका थिए ।
पहिलो हाफ १–१ को बराबरी खेले तापनि दोस्रो हाफको शुरुवाततिर ५४औं मिनटमा सुनिल बलले नेपालका लागि दोस्रो गोल गरी नेपालका लागि जित हात पारे।
