शुक्रवार, कार्तिक २१ गते २०८३
शुक्रवार, कार्तिक २१ गते २०८३
स्याङ्जा वालिङका–३ का ६० वर्षीय पुरुषको मृत्यु
सोमवार , जेठ २६, २०७७
काठमाडाैँ, जेठ । पश्चिमाञ्चल क्षेत्रीय अस्पताल पाेखरामा उपचाररत कोभिड–१९ का एक सङ्क्रमितको मृत्यु भएको छ । पोखरा स्वास्थ्य विज्ञान प्रतिष्ठान अन्तर्गतको अस्पतालको आइसोलेसनमा उपचाररत स्याङ्जाको वालिङ नगरपालिका–३ का ६० वर्षीय एक पुरुषको मृत्यु भएको प्रदेश स्वास्थ्य निर्देशनालय पोखराले सोमबार विज्ञप्ति जारी गरी पुष्टि गरेको हो ।
निर्देशनालयका निर्देशक डा विनोदविन्दु शर्माले यही जेठ २२ गतेदेखि अस्पतालको प्रि–आइसोलेसन कक्षमा उपचार गराइरहेका ती व्यक्तिको प्रयोगशालामा गरिएको परीक्षणमा आइतबार साँझ कोरोना पोजिटिभ देखिएपछि आइसोलेसन कक्षमा सारिएको थियो ।
उनी मिर्गौला, मधुमेहलगायतका रोगको बिरामी भएको बताइन्छ । उनको मृत्युसंगै कोरोना भाइरसबाट ज्यान गुमाउनेको संख्या १४ पुगेको छ ।
