शुक्रवार, कार्तिक २१ गते २०८३
शुक्रवार, कार्तिक २१ गते २०८३
सबैभन्दा धरै प्रदेश ५ मा : " ३२ हजार ३७३ जना"
शुक्रवार , जेठ १६, २०७७
काठमाडौं, जेठ । हाल नेपालमा कोरोना भाइरस संक्रमणको जोखिममा रहेका झण्डै १ लाखलाई क्वारेन्टिनमा राखिएका छन् । कोरोना जोखिम क्षेत्रबाट आएका ९९ हजार ३३६ जना देशका विभिन्न ठाउँको क्वारेन्टिनमा रहेका स्वास्थ्य तथा जनसंख्या मन्त्रालयले जनाएको छ ।
सबैभन्दा धेरै प्रदेश ५ मा ३२ हजार ३७३ जना, सुदूरपश्चिम प्रदेशमा २५ हजार ७६५ जना, कर्णाली प्रदेशमा १७ हजार ५ जना क्वारेन्टिनमा छन् ।
त्यस्तै प्रदेश २ मा १६ हजार ६७८, प्रदेश १ मा २ अजार ७४७, बागमती प्रदेशमा १ हजार ९५४ र गण्डकी प्रदेशमा २ हशजार ८१४ क्वारेन्टिनमा रहेका स्वास्थ्य मन्त्रालयका प्रवक्ता डा. विकास देवकोटाले जानकारी दिए । पछिल्लो समय भारतबाट फर्किनेहरुको संख्या बढेसँगै देशभर क्वारेन्टिनमा बस्नेहरुको संख्या बढेको हो ।
त्यस्तै देशभरका अस्पतालको आइसोलेसनमा उपचार गर्नेको संख्या पनि बढ्दै गएको छ । हाल एक हजार जना आइसोलेसनमा उपचाररत रहेको उनले बताए ।
प्रदेश १ मा १२३, प्रदेश २ मा ३८७, बागमती प्रदेशमा २२, गण्डकी प्रदेशमा १८, प्रदेश ५ मा ३८३, कर्णालीमा ४७ र सुदूरपश्चिम प्रदेशमा १६ जना आइसोलेसनमा रहेका छन् । हालसम्म २०६ जना डिस्चार्ज भएकाे जनाइएकाे छ ।
