शुक्रवार, कार्तिक २१ गते २०८३
शुक्रवार, कार्तिक २१ गते २०८३
उनीहरुकाे अवस्था सामान्य
शुक्रवार , बैशाख २६, २०७७
काठमाडाैँ, बेशाख । कपिलवस्तुमा दुई जनामा कोरोना संक्रमण भेटिएको छ। योसँगै नेपालमा कोरोना संक्रमितको संख्या १०१ पुगेको छ। स्वास्थ्य मन्त्रालयले दिएको जानकारी अनुसार कपिलवस्तु मायादेवी गाउँपालिकाका २ जना पुरुषमा कोरोना संक्रमण देखिएको हो।
कपिलवस्तुको मायादेवी गाउँपालिकाको छत्रपाली तिर्थादेवी माध्यमिक विद्यालयको क्वारेन्टाइनमा रहेका युवाहरु ५ दिन अगाडी भारतको मुम्वईबाट नेपाल आएका थिए ।
उनीहरु सामान्य रहेको र बुटवल कोरोना अस्पतालमा उपचार भइरहेकाे जनाइएको छ । कपिलवस्तुको मायादेवी गाउँपालिका २ साविक अभिराव गाविसका हो जो भारतसंग सिमाना जोडिएको छ ।
स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीले उनीहरु स्वास्थ्यकर्मीको सम्पर्कमा नै रहेका छन् र अवस्था सामान्य रहेकाे जानकारि िदएका छन ।
काठमाडौंस्थित राष्ट्रिय जनस्वास्थ्य प्रयोगशालामा गरिएको स्वाब परिक्षणमा ती दुईमा कोरोना पोजेटीभ देखिएको हो। मायादेवी गाउँपालिकाको क्वारेन्टाइनमै रहेका २२ र १६ बर्षिय दुई पुरुषमा कोरोना पुष्टी भएको मन्त्रालय स्रोतले जनाएको हो।
कपिलवस्तुमा पहिलो पटक कोरोना संक्रमित भेटिएका हुन् । उनीहरु ५ दिन अगाडी भारतको मुम्वईबाट आएका र आएपछि पकडीको क्वारेन्टइनमा राखिएको थियो ।
नेपालगञ्ज कोरोनाको हटस्पट बनेपछि प्रदेश नम्वर ५ सहित कर्णाली प्रदेशमा उच्च सतर्कता अपनाइएको थियो। यहि बीचमा प्रदेश ५को बाँकेको छिमेकी जिल्ला कपिलवस्तुका थप दुई जनामा कोरोना संक्रमण देखिए पछि यस क्षेत्रमा कोरोनाको त्रास बढेको छ।
