बिहिवार, कार्तिक २० गते २०८३
बिहिवार, कार्तिक २० गते २०८३
छलफलको विषय : संविधान, लोकतन्त्रको पक्षमा तीन दलबीच न्युनतम साझा धाराणा बनाउने
सोमवार , चैत्र १०, २०८१
काठमाडौँ, चैत । सत्तारूढ र प्रमुख प्रतिपक्ष दलको बैठक सोमबार अपराह्न सिंहदरबारमा बस्दै छ । शान्ति प्रक्रियाका बाँकी काम टुंगोमा पुर्याउन कांग्रेस, एमाले, माओवादीका तीन शीर्ष नेताहरु बैठक बस्न लागेका हुन् ।
कान्तीपुर लेख्छ, सत्य निरूपण तथा मेलमिलाप आयोग र बेपत्ता नागरिक छानबिन आयोगमा पदाधिकारी नियुक्ति गर्ने मुख्य तयारी छ ।
दुवै आयोग सम्बन्धित कानुन बने पनि पदाधिकारी नियुक्ति नहुँदा काम अघि बढ्न सकेको छैन । आयोग पदाधिकारी नियुक्तिमा तीन दलबीच भागबन्डा तयारी छ ।
त्यस्तै, तीन दलबीच राजावादीको प्रदर्शनले मुलुकमा ल्याएको तरंगबारे अनौपचारिक छलफल हुनेछ ।
संविधान, लोकतन्त्रको पक्षमा तीन दलबीच न्युनतम साझा धाराणा बनाउने उनीहरूको छलफलको विषय छ ।
एक नेताका अनुसार सरकारले दैनिक सेवा दिन गति बढाउने, ठूला विवाद आउने निर्णय नगर्ने, राष्ट्रिय मुद्दामा प्रतिपक्ष दलसँग सहकार्य गर्ने नीति प्रधानमन्त्री केपी शर्मा ओलीले लिएका छन् ।
प्रमुख प्रतिपक्ष दल माओवादी अध्यक्ष दाहालले सरकारलाई राम्रो काम गर्न दवाव दिने, संघीय गणतन्त्रको पक्षमा प्रदर्शन गर्ने, आवश्यक परे प्रमुख दलबीच साझा धारणा बनाउने नीति लिएका छन् ।
