बिहिवार, कार्तिक २० गते २०८३
बिहिवार, कार्तिक २० गते २०८३
सोमवार , माघ १४, २०८१
काठमाडौँ, माघ । पार्टीबाट सरकारमा सहभागी मन्त्रीहरूलाई सांसदहरूसँग समन्वय गरेर अघि बढ्न कांग्रेस सभापति शेरबहादुर देउवाले निर्देशन दिएका छन् । संसदीय दलको सोमबार बसेको बैठकमा सांसदहरूले मन्त्रीहरूको कार्यक्षमतामाथि प्रश्न उठाएपछि सभापति देउवाले उक्त निर्देशन दिएका हुन् ।
उनका अनुसार बैठकमा सांसदहरूले अध्यादेश ल्याउँदा जानकारीसमेत नदिइएको भन्दै मन्त्रीहरूको कार्यक्षमतामाथि प्रश्न उठाएका थिए । सांसदहरूले भने दुई ठूला दल मिलेर गठित सरकारले पनि अपेक्षाकृत काम गर्न नसकेको भन्दै प्रश्न उठाएका थिए ।
सरकार असफल भए जनतामा निराशा छाउने भएकाले गम्भीर भएर अगाडि बढ्नुपर्ने धारणा सांसदहरूले राखेका थिए । सांसदहरूले मन्त्रीहरूको कामको प्रभावकारिताको विषयमा केही कुरा राख्नुभएको छ । मुस्कानसहितको सेवा भन्ने एउटा भनाइ छ ।
मन्त्रीमात्र मुस्कुराउने तर सेवाग्राही रुँदै हिँड्ने अवस्था नआओस् भन्ने धेरै माननीयहरूको भनाइ छ, ' खतिवडाले भने, ' सरकारले ल्याएको अध्यादेशको सवालमा केही सांसदहरूले सहमति छैन भन्ने कुरा गरेका छन । अध्यादेश आउनुभन्दा अगाडि सांसदहरूसँग छलफल गरिएन । यो कुरा ठीक भएन भनेर केही सांसदहरूले कुरा राखे ।'
सांसदहरूले मन्त्री भएकाहरूको कार्यक्षमतामा प्रश्न उठाएको पनि खतिवडाले सञ्चारकर्मीलाई जानकारी दिए । विशेषगरी मन्त्रीहरूको कार्यदक्षता, क्षमता र जनताको सवालमा काम गर्नुस्, यदि मन्त्री पनि हुने काम पनि नगर्ने पद्धतिको विकास भयो भने पार्टी निराशामा जाने कुरा आएको छ ।
' दुई ठूला पार्टी मिलेर बनेको सरकारले पनि जनताको आशाअनुसार काम गर्न सकेन भने जनतामा निराशा पैदा हुन्छ,' उनले भने, ' निराशा पैदा हुने कामको अन्त्य हुनुपर्छ । त्यसमा आफ्नो बलबुताले भ्याएसम्म गर्नुस् भन्ने कुरा भयो ।
सभापतिले मन्त्रीहरूलाई काम गर्ने बेलामा सांसदहरूसँग समन्वय गरेर अगाडि बढ्न निर्देशन दिए । यदी गल्ति भएको छ भने खुलेर राख्न सभापतिले भन्नुभएको छ ।
सांसदहरूले गम्भीर प्रश्न उठाएपछि मन्त्री रहेकाहरूसँग जवाफ संसदीय दलकै बैठकमा राख्नुपर्नेछ । मन्त्रीहरूले सांसदका प्रश्न जवाफ दिन बाँकी रहेकाले माघ १८ गते फेरि संसदीय दलको बैठक बोलाउने निर्णय भएको पनि खतिवडाले जानकारी दिए ।
