शुक्रवार, कार्तिक २१ गते २०८३
शुक्रवार, कार्तिक २१ गते २०८३
कोरोना भाइरसको बढदो सेललाई बन्द गरिदिने
आइतवार , चैत्र २३, २०७६
काठमाडाैँ, चैत । 'एन्टी प्यासाइटिक ड्रग' ले कोरोना भाइरसलाई ४८ घण्टामा मार्ने अष्ट्रेलियाका बैज्ञानिकहरुले दाबी गरेका छन् । मोनास विश्वविद्यालयको बायोमेडिसिन डिस्कोभरी इस्टिच्युट र पिटर डोर्हेटी इन्स्टिच्युट अफ इन्फेक्सन एण्ड इम्युनिटीको संयुक्त अध्ययनले हाल बजारमा उपलब्ध एन्टि प्यारासाइटिक ड्रगको प्रयोगले ४८ घण्टाभित्र कोरोना भाइरस मार्न सकिने निष्कर्ष लामाे अध्ययनपछी निकालेका हुन ।
मोनास विश्वविद्यालयबाट नेतृत्व गरेका डाक्रट किलाई वागस्टाफले 'आइभरम्याक्टिन' नामको ड्रगले कोरोना भाइरसको बढदो सेललाई ४८ घण्टामा बन्द गरिदिने बताएका छन् । उक्त अध्ययनले 'सिंगल डोज' ले पनि सबै भाइरल आरएनएलाइए ४८ घण्टाभित्र हटाइसक्ने र २४ घण्टामै उल्लेखनिय सुधार आउने उनले दाबी गरे ।
आइभरमेक्टिन औषधि एफडिए अप्रुभ्ड ड्रग हो जुन एचआइभि, डेंगु, इन्फ्लुएन्जा र जिका भाइरसविरुद्ध पनि प्रयोग गरिन्छ । डा. वागस्टाफले उक्त परिक्षण भिट्रो अर्थात टेस्ट ट्युवमा गरिएको थियो । उक्त परीक्षण मानिसमा पनि गर्नुपर्ने समेत उनले सल्लाह दिएका छन ।
उनले थप स्पष्ट पार्दै भनेका छन्- आइभरमेक्टिन धेरै प्रयोगमा आएको सुरक्षित ड्रग हो । भिट्रो परीक्षणका क्रममा सफल भएको यो विधि अब मानिसमा गर्दा प्रभाबकारी हुन्छ वा हुँदैन, त्यो भने अबको चरणमा थाहा हुन्छ ।
अहिले कोरोनाको विश्वब्यापि महामारी चलिरहेको छ र प्रमाणित भएको कुनै उपचार छैन । प्रमाणित भइसकेको औषधि नभएको हुँदा हाम्रो अध्ययनले निकालेको निष्कर्षको औषधि भ्याक्सिन पत्ता लाग्नुभन्दा पहिला ब्यापक प्रयोगमा आउने हाम्रो दाबी छ ।
उक्त अध्ययन र परिक्षण जिवित कोरोना भाइरसमाथि गरिएको थियो ।
