शुक्रवार, कार्तिक २१ गते २०८३
शुक्रवार, कार्तिक २१ गते २०८३
' पार्टी एकीकरणको हल्ला निराधार हो '
मंगलवार , कार्तिक ६, २०८१
धम्बोझी, कात्तिक । नेकपा एकीकृत समाजवादी अध्यक्ष एवम् पूर्व प्रधानमन्त्री माधवकुमार नेपालले पार्टी एकीकरणको हल्ला निराधार भएको बताएका छन ।
नेकपा एकीकृत समाजवादी कोहलपुर नगर कमिटीले आयोजना गरेको कार्यकर्ता भेटघाट कार्यक्रममा बोल्दै नेपालले अन्य पार्टीसँगको एकीकरण र समाहित हुने भन्ने हल्ला निराधार भएको बताए ।
उनले आगामी चुनाव एक्लै लड्ने गरी तयारीमा जुट्न नेता कार्यकर्तालाई निर्देशन समेत दिए ।
पार्टीको सङ्गठन विस्तार एवम् कार्यकर्तालाई प्रशिक्षण गर्दै देश दौडाहामा रहेका अध्यक्ष नेपालले बाढी–पहिरोपछि नागरिकलाई अनुभूत हुने गरी सरकारले काम गर्न नसकिरहेको टिप्पणी गरे ।
उनले सरकारका क्रियाकलापमा अधिनायकवाद देखिएको जिकिर गरे । कोहलपुर नगर कमिटी कार्यालयमा नगर इन्चार्ज विष्णु पोख्रेलले अध्यक्ष नेपाललाई स्वागत गरेका थिए ।
नेकपा एकीकृत समाजवादी पार्टी जनताको भएकोले जनताको बिचमै रहेर जनताको समस्या साथमा लिई सधैँ समाधानको पक्षमा अघि बढ्ने नेपालले बताए।
