शुक्रवार, कार्तिक २१ गते २०८३
शुक्रवार, कार्तिक २१ गते २०८३
बिहिवार , माघ ११, २०८०
धनगढी, माघ । राष्ट्रिय सभा सदस्यमा सुदूरपश्चिममा प्रदेशमा गठबन्धनका तीनै जना उम्मेदवार निर्वाचित भएका छन् ।
महिला क्लस्टरमा माओवादी केन्द्रकी रेनु चन्दले ४ हजार ४५३ मत प्राप्त गरेर विजयी भइन् । अपांगतर्फ कांग्रेसका नारायणदत्त भट्टले ४ हजार ४१९ मत पाएर विजयी भएका छन् ।
त्यस्तै अन्यतर्फ कांग्रेसकै बलदेव बोहराले ४ हजार ३४७ मत पाएर विजयी भएको निर्वाचन कार्यालयले जनाएको छ ।
बिहीबार भएको मतदानमा स्थानीय तहका १७६ मध्ये १७३ जना र प्रदेश सभाका ५२ जनाले मतदान गरेका थिए । धनगढी उपमहानगरपालिकाका मेयर गोपाल हमाल र भजनी नगरपालिकाकी उपमेयर राजु तिरुवाले मतदान गरेनन् ।
एक जना बाजुराको स्वामी कार्तिककी उपाध्यक्ष मैना जोशीको हालै निधन भएको छ । मेयर हमाल स्वतन्त्र उम्मेदवारी दिएर जितेका मेयर हुन् ।
नाउपाकी तिरुवा विरामी परेर मनदानमा अनुपस्थित भइन् । प्रदेश सभाका ५३ मध्ये एक जनाको मृत्यु भइसकेकाले ५२ जनाले मतदान गरेका हुन् ।सुदूरपश्चिममा तीन पदका लागि ६ जनाको उम्मेदवारी परेको थियो ।
