शुक्रवार, कार्तिक २१ गते २०८३
शुक्रवार, कार्तिक २१ गते २०८३
पदाधिकारीहरुले सदस्यले उठाएका प्रश्नकाे जवाफ दिने
शनिवार , पौष १४, २०८०
काठमाडौँ, पुस। नेपाली कांग्रेसको केन्द्रीय कार्यसमिति बैठक बिहीबारदेखि शुरु भएको बैठक आज सकिँदैछ ।आज पदाधिकारीहरुले जवाफ दिएपछि सकिने प्रचार प्रसार विभाग प्रमुख मीन विश्वकर्माले जानकारी दिए ।
बिहीबार र शुक्रबारको बैठकमा बोल्न नपाएका केन्द्रीय सदस्यहरुले आज बोल्नेछन् र पदाधिकारीहरुले जवाफ दिएपछि बैठक सम्पन्न हुनेछ ।
बैठकमा समसामयिक विषय सँगसँगै आसन्न राष्ट्रिय सभा निर्वाचनमा पठाउने उम्मेदवारको समेत पनि न्यूनतम मापदण्डका बारेमा चर्चा भइरहेको छ । आइतबार तमु ल्होसार भएकाले आजै बैठक सकाउन लागिएको हो ।
बैठकले पुस १६ गते सोमबार मेलमिलाप दिवस मनाउने निर्णय गर्नेछ । उक्त कार्यक्रम दिउँसो १ बजेदेखि हुने प्रमुख विश्वकर्माले प्रज्ञा प्रतिष्ठानमा दलहरुलाई बोलाएर मेलमिलापको दिवस मनाउने बताए ।
कार्यक्रममा सत्ता गठबन्धन दलका नेताहरुसँगै प्रमुख प्रतिपक्ष एमालेसहित दलका नेताहरु सहभागी हुने प्रचार प्रमुख विश्वकर्माले बताए ।
नेपाली कांग्रेसका संस्थापक बीपी कोइराला मेलमिलापको नीति लिएर भारतबाट २०३३ सालमा फर्केपछि कांग्रेसले हरेक वर्ष मेलमिलाप दिवस मनाउँदै आएको छ ।
