शुक्रवार, कार्तिक २१ गते २०८३
शुक्रवार, कार्तिक २१ गते २०८३
पछिल्लो तथ्याङ्क : २ लाख १४ हजार ४८१ सामान्य संक्रमित , १० हजार ५५३ गम्भीर बिरामी
सोमवार , चैत्र १०, २०७६
काठमाडौ, चैत्र । कोरोना भाइरस (कोभिड–१९) बाट मृत्यु हुनेको संख्या बढेको बढ्यै भएको छ । सोमबार बिहानसम्म १४ हजार ६८७ जनाको मृत्यु भइसकेको छ । ३ लाख ३९ हजारको हाराहारीमा संक्रमित भएका छन् । त्यस्तै ९९ हजार ३ जनालाई कोरोनाको संक्रमणबाट निको भएको छ ।
हाल २ लाख २५ हजार ३४ संक्रमित छन् । तीमध्ये २ लाख १४ हजार ४८१ सामान्य संक्रमित हुन् भने १० हजार ५५३ गम्भीर बिरामी छन् । यो हिसाबले ९५ प्रतिशत सामान्य र ५ प्रतिशत गम्भीर छन् । इटलीमा सबैभन्दा बढी ५ हजार ४७६ जनाको मृत्यु भएको छ भने ५९ हजार १३८ संक्रमित छन् ।
चीनमा ३ हजार २ सय ७० को मृत्यु हुँदा ८१ हजार ९३ संक्रमित छन् । चीनमा नयाँ केस ३९ वटा आएको छ । त्यस्तै नयाँ मृतक ९ जना हुन् । ७२ हजार ७०३ जना निको भएर फर्केका छन् ।
त्यस्तै स्पेनमा १७ सय ७२, इरानमा १६८५, फ्रान्समा ६७४, अमेरिकामा ४५२ जनाको मृत्यु भएको छ । अमेरिकामा ३३ जना नयाँ मृतक भएका छन् ।
अमेरिकामा ३४ हजार ७१७, स्पेनमा २४ हजार ७६८, जर्मनीमा २४ हजार ८७३, इरानमा २१ हजार ६३८, फ्रान्समा १६ हजार १८, दक्षिण कोरियामा ८ हजार ९६१ तथा स्वीटजरल्याण्डमा ७ हजार ४७४ जना संक्रमित छन् ।
बेलायतमा २८१ जनाको मृत्यु हुँदा ५ हजार ६८३ जना संक्रमित छन् । नेदरल्याण्डमा १७९ को ज्यान जाँदा ४ हजार २०४ संक्रमित छन् । दक्षिण एसियामा पाकिस्तानमा सबैभन्दा बढी ७७६ जना संक्रमित हुँदा ५ जनाको ज्यान गएको छ ।
भारतमा ३९६ जनामा संक्रमण हुँदा ७ जनाको ज्यान गएको छ । श्रीलंकामा ८२ जना संक्रमित छन् । अफगानिस्तानमा ४० जना संक्रमित हुँदा १ जनाको ज्यान गएको छ ।
माल्दिभ्समा १३ जना संक्रमित भएका छन् । भुटानमा २ तथा नेपालमा १ जना संक्रमित भएका छन् । बंगलादेशमा २७ जना संक्रमित हुँदा २ जनाको ज्यान गएको छ ।
