शुक्रवार, कार्तिक २१ गते २०८३
शुक्रवार, कार्तिक २१ गते २०८३
' कस्तो खालको आक्रोश हो ? आफूभित्र समीक्षा गर्न सक्नुहुन्न '
बिहिवार , कार्तिक १६, २०८०
काठमाडौँ, कात्तिक । देशको अवस्था अहिले 'टाइटानिक' जहाज जस्तै डुबिरहेको जनमत पार्टीका अध्यक्ष डा.चन्द्रकान्त राउतले बताएका छन् । बिहीबार बसेको प्रतिनिधिसभा बैठकलाई सम्बोधन गर्दै उनले सो विम्ब प्रयोग गरेर देशको अवस्था बताएका हुन् ।
उनले शीर्ष तहका नेताले विदेशी इन्स्योरेन्सको पैसा आउँछ भनेर देशलाई डुबाइरहेको उल्लेख गरे । अध्यक्ष राउतले प्रतिशोध साँध्नका लागि सरकारबाट पक्राउ गर्ने कुरा राम्रो नभएको समेत बताए । उनले देशमा जनताका लागि लोकतन्त्र नभएको दाबी गरेका थिए ।
आम जनताको लागि लोकतन्त्र कहाँ छ ?' भनेर उनले प्रश्न गर्दै कुन विधेयक पारित गर्ने वा नगर्ने भनेर अँध्यारो कोठामा तीन नेताले तय गर्ने गरेको र त्यसलाई नै सार्वभौम सत्ता भनिएको तर्क गरे । '
अँध्यारो कोठामा तीन जना नेताले गरेको निर्णयलाई सार्वभौम सत्ता सम्पन्न भन्न सकिन्न,' उनले भने, 'यस्तै संसद चल्ने हो भने व्यवस्थामाथि प्रश्न गर्ने पर्याप्त आधार छन् । ३४ वर्षदेखि कहाँ पुगिसक्यो देश रु त्यो हेरेका छैनौं ।'
उनले ठूला दलहरूले नयाँ दललाई अपहेलना गरिरहेको आरोप समेत लगाए । 'चियापान समारोहमा बोलाउँछौं र त्यहाँ नयाँलाई त हामी भष्म पार्दिन्छौं भन्छौं ।
'खालको आक्रोश हो ? आफूभित्र समीक्षा गर्न सक्नुहुन्न,' उनले भने, ुजनताको आवाज उठेपछि त्यो सुन्नुपर्छ । जनतको कुरा उठेपछि बत्ती बल्छ, लामो भाषण गर्दा केही हुँदैन थियो । देश टाइटानिक डुबे जस्तै डुब्दैछ । यो डुबाउने चालकहरु नै हुन् ।
