बिहिवार, कार्तिक २० गते २०८३
बिहिवार, कार्तिक २० गते २०८३
सोमवार , चैत्र ३, २०७६
काठमाडौँ, चैत । भारतीय क्रिकेट बोर्ड (बीसीसीआई) को कार्यालय अनिश्चितकालका लागि बन्द गरिएको छ ।
विश्वव्यापी रुपमा कोरोना भाइरस (काेभिड–१९) को प्रकोप बढ्दै गएपछि मुम्बईमा रहेकाे बीसीसीआईले सबै कर्मचारीलाई मङ्गलबारदेखि अनिश्चितकालका लागि छुट्टी दिएको छ । उसले सबै कर्मचारीलाई कार्यालय नआउन आग्रह गर्दै घरबाटै काम गर्न पनि भनेको छ ।
बीसीसीआईले कोरोनाको प्रकोपका कारण आईपीएल र घरेलु क्रिकेट पनि अनिश्चितकालका लागि स्थगित गरिसकेको छ ।
समाचार एजेन्सी पीटीआईसँग कुरा गर्दै सूत्रले भन्याे, 'बीसीसीआईका कर्मचारीहरुलाई वानखडे स्टेडियममा रहेकाे बोर्ड का मुख्य कार्यालय काेभिड–१९ काे महामारीका कारण बन्द रहने जानकारी दिइएकाे छ । सबै कर्मचारीहरुलाई घरबाटै काम गर्न भनिएकाे छ ।'
