शनिवार, कार्तिक २२ गते २०८३
शनिवार, कार्तिक २२ गते २०८३
बैठक दिउँसो २ बजे बस्ने
सोमवार , श्रावण १, २०८०
काठमाडौँ, साउन । आज नेपाली काँग्रेसको पदाधिकारी बैठक बस्दैछ । भोलि बस्ने केन्द्रीय समितिको बैठकमा पेश गर्ने एजेण्डाबारे छलफल गर्नका लागि उक्त बैठक बस्न लागेको जनाइएको छ ।
सभापति शेरबहादुर देउवाले पार्टीका पदाधिकारी र पूर्व पदाधिकारीलाई केन्द्रीय समिति बैठकमा छलफल गर्ने एजेन्डा तय गर्न पदाधिकारी बैठक बोलाएको उनको सचिवालयले जानकारी दिएको छ । बैठक दिउँसो २ बजे बस्नेछ ।
देउवाले पदाधिकारीसँग छलफल गरेपछि दुई महामन्त्री गगनकुमार थापा र विश्वप्रकाश शर्मासँग पुनः छलफल गर्ने बुझिएको छ ।गत २७ असारमा बस्ने भनिएको कांग्रेस केन्द्रीय समितिको बैठक अन्तिम समयमा आएर स्थगित भएको थियो ।
प्रधानमन्त्री पुष्पकमल दाहाल प्रचण्डकी श्रीमती सीता दाहालको निधनपछि स्थगित भएको सो बैठक मंगलबार बस्दैछ । आजको बैठकले केन्द्रीय समितिको बैठकका एजेण्डा तय गरेर केन्द्रीय समिति बैठकमा पेस गर्नेछ ।
