शनिवार, कार्तिक २२ गते २०८३
शनिवार, कार्तिक २२ गते २०८३
मन्त्रालयको टोली जापान जाने
सोमवार , फाल्गुण १२, २०७६
काठमाडौ, फागुन । सरकारले जि टु जी मार्फत रोजगारीको लागी नेपाली कामदार जापान पठाउने प्रक्रिया अघि बढीरहेको बेला म्यानपावर व्यवसायीले आफै पठाउन पहल सुरु गरेका छन् ।
नेपाल वैदेशिक रोजगार व्यवसायी संघका अध्यक्ष बिष्णुप्रसाद गैरे जापानमा निजी क्षेत्रबाट कामदार छिटो जान सक्ने भएकोले निजी क्षेत्रबाट कामदार लिन चाहेको बताएका छन । निजी क्षेत्रले कामदार पठाउने बिषयमा जापानसँग कुरा हुँदा सकारात्मक भएको अध्यक्ष गैरेले जनाए ।
निजी क्षेत्रलाई जापान पठाउन अनुमति दिए केएर गिभर र कृषिमा मात्रै नभई अन्य क्षेत्रमा पनि कामदार पठाउन सक्ने उनको दावी छ ।
निजी क्षेत्रले कामदार जापान पठाउने विषयमा श्रम, रोजगार तथा सामाजिक सुरक्षा मन्त्रालयसँग छलफल भएको जानकारी दिदै अव जापान जाँदा मन्त्रालयको टोलीले यस विषयमा कुरा राख्ने गैरेको भनाई छ । हाम्रो मागको विषयमा मन्त्रालय सकारात्मक रहेको छ, अध्यक्ष गैरेको भनाई छ ।
श्रम, रोजगार तथा सामाजिक सुरक्षा मन्त्रालयका प्रवक्ता सुमन घिमिरे दक्ष जनशक्ति कसरी कुन मोडालिटी अपनाउँदा छिटो सुरक्षित रोजगारीमा जान सक्छन भन्ने प्रमुख कुरा रहेको बताउछन । जापानमा नेपाली कामदार कसरी कुन तरिकाले पठाउने विषयमा मन्त्रालयको टोली जापान जाने निधो भएको जानकारी दिँदै यस विषयमा छलफल हुने उनले जनाए ।
तत्कालीन मन्त्री गोकर्ण विष्टले समझदारीका क्रममा वैदेशिक रोजगार कोरिया जस्तै जिटुजी मार्फत जापानमा नेपाली कामदार पठाउने व्यवस्था गरेका गरेका थियो । यता वैदेशिक रोजगार विज्ञ डा.गणेश गुरुङ निजी क्षेत्रलाई जापानमा कामदार पठाउने जिम्मा दिँदा कामदार ठगिने खतरा बढी रहेको बताउछन ।
सरकारले कोरिया पठाउँदा कामदार सुरक्षित र कम लागतमा जान सकेको अवस्थामा म्यानपावर कम्पनीले खाडी मुलुकमा कामदार पठाउदा पनि धेरै शुल्क असुलेको विज्ञ गुरुङको भनाई छ ।
म्यानपावर कम्पनीलाई कामदार पठाउने जिम्मा दिए अनुगमन सुक्ष्म र कडा सजायको प्रावधान राख्न आवश्यक भएको उहाँको भनाई छ । जापानले विदेशी कामदारले गर्नुपर्ने कामका लागि १४ वटा क्षेत्र तोकेको छ ।
जापान सरकारलेनर्सिङ केयर, रेस्टुरेन्ट, निर्माणलगायतका क्षेत्रमा विदेशी कामदारको मागमा बढी प्राथमिकता दिएको छ ।
