काठमाडौं, वैशाख। नेपाली कांग्रेसले स्थानीय तह निर्वाचनमा सहमहामन्त्रीले प्रदेशको संयोजन गर्ने गरी पार्टीको केन्द्रीय कार्यालयमा डेस्क निर्माण गर्ने भएको छ ।
सभापति शेरबहादुर देउवाले प्रदेशको संयोजन गर्ने गरी सहमहामन्त्रीलाई जिम्मेवारी पनि तोकेका छन् । जसअनुसार प्रदेश १ मा जीवन परियार, मधेशमा भीष्मराज आङ्देम्बे, वागमतीमा फरमुल्लाह मन्सुर, गण्डकीमा महालक्ष्मी उपाध्यायलाई जिम्मेवारी तोकिएको कांग्रेसले जनाएको छ ।
त्यस्तै लुम्बिनीमा महेन्द्र यादव, कर्णालीमा बद्री पाण्डे र सुदूरपश्चिममा किशोर सिंह राठौरलाई जिम्मेवारी दिइएको छ । ८ सहमहामन्त्रीमध्ये मन्त्रिपरिषदमा रहेका उमाकान्त चौधरीबाहेक अरुलाई जिम्मेवारी दिइएको छ ।
