शनिवार, कार्तिक २२ गते २०८३
शनिवार, कार्तिक २२ गते २०८३
बुधवार , पौष १४, २०७८
काठमाडौँ, पुस । माओवादीको आठौं महाधिवेशनको तेस्रो दिन अध्यक्ष पुष्पकमल दाहालको प्रतिवेदनमाथि २५ वटा समूहको निष्कर्ष सुनाइँदै छ । महाधिवेशनस्थल प्रज्ञा प्रतिष्ठानमा दिउँसो एक बजेदेखि सुरु हुने बन्द सत्रमा २५ वटा समूहका नेताहहरुले आफ्ना निष्कर्ष पेस गर्नेछन ।
अध्यक्ष दाहालले सोमबार एक्काइसौं शताब्दीमा समाजवादको नेपाली बाटो शीर्षकको राजनीतिक प्रतिवेदन पेस गरेका थिए । प्रतिवेदन छलफलका लागि महाधिवेशनमा सहभागी प्रतिनिधिहरुको २५ वटा समूह बनेको थियो ।
समूहले मंगलबार दिनभरि र बुधबार बिहान निष्कर्ष तयार पारेका छन् । उक्त निष्कर्ष सबै प्रतिनिधि सहभागी बन्द सत्रमा सुनाउन लागिएको हो ।
दाहालको दस्ताबेज कार्यान्वयनमा शंका २५ वटै समूहले पार्टीको आगामी कार्यदिशालाई लिएर अध्यक्षले ठोस कार्यदिशा तय नगरिएको भन्दै सच्याउन लगाउने बताएका छन । पार्टीको अबको राजनीति, संगठन कस्तो हुने भन्नेबारे दाहालको दस्तावेजले स्पष्ट नपारेको उनीहरुको निष्कर्ष छ ।
एमसीसी परियोजना लगायत अन्य शीर्षकमा भने समूहको मिश्रित निष्कर्ष आएको छ। कोहीले एमसीसी पारित हुनुपर्ने, कोहीले यो संशोधनसहित पारित गर्नुपर्ने र कोहीले एमसीसी पारित गर्नै नहुने निष्कर्ष निकालेका छन ।
