शनिवार, कार्तिक २२ गते २०८३
शनिवार, कार्तिक २२ गते २०८३
'असहयोग गर्नेप्रति कुनै गुनासो छैन्, कुन्ठा लिएको छैन्’
बुधवार , मंसिर २९, २०७८
काठमाडौं, मंसिर । नेपाली कांग्रेसको १४औं महाधिवेशनका सभापतिमा प्रत्यासी डा. शेखर कोइरालाले पार्टी फेरि व्यथितिमा चल्यो भने शसक्त रुपमा प्रस्तुत हुने चेतावनी दिएका छन् ।
बुधबार काठमाडौंमा आयोजित महाधिवेशन प्रतिनिधिलाई धन्यवाद ज्ञापन कार्यक्रममा भने, आफूलाई असहयोग गर्नेप्रति कुनै गुनासो पनि छैन ।
सभापतिमा विजयी भएका शेरबहादुर देउवालाई बधाई दिंदै डा. कोइरालाले आफूसँग कुनै कुन्ठा नलिएको र असहयोग गर्नेप्रति गुनासो पनि नभएको प्रष्टाए । आन्तरिक लोकतन्त्रमा आफूहरु विजयी भएको पनि उनले बताए ।
‘अब पार्टीमा युवाका लागि अवसर खुलेको छ । कांग्रेसको हुँ भनेर गाउँमा निश्चिन्त रुपमा काम गर्ने मौका मिलेको छ । गाउँमा बस्न पार्टीमा ढोका खुलेको र पार्टी रुपान्तरणका लागि खटिनेछौं ।
म निरन्तर जनताको घरदैलोमा जानेछु र युवा साथी परिचालन पनि हुनुहुनेछ’,उनले भने,‘अब हामी भागवन्डा खोज्ने छैनौं, गुठबन्दीको राजनीतिमा लाग्दैनौं’, उनले भने,‘काम गरेरै आम जनता वा कार्यकर्तालाई सोच्न बाध्य बनाउने छौं ।’ प्रतिनधिको मायाले आफूले अबको राजनीतिलाई नयाँ ढंगले अघि बढाउने पनि उनले प्रतिबद्धता जनाए ।
