शनिवार, कार्तिक २२ गते २०८३
शनिवार, कार्तिक २२ गते २०८३
पुस ५ भित्र सबै मत परिणाम सार्वजनिक भइसक्ने गरी मतगणना गरिने कार्यक्रम
बुधवार , मंसिर २९, २०७८
काठमाडौं, मंसिर । नेपाली कांग्रेसको १४ औँ महाधिवेशन सम्पन्न भएको छ । सो महाधिबेशनमा नेतृत्व चयनका लागि भएको निर्वाचनमा सभापतिमा देउवा निर्बाचित भइसकेका छन भने अन्य पदाधिकारी र केन्द्रीय सदस्यहरुको मतगणना आज, बुधबार, बाट शुरु हुने भएको छ ।
मतपेटिकाहरु पार्टी केन्द्रीय कार्यालय सानेपामा राखिएको छ । निर्वाचन समितिका सदस्य एगराज पोखरेलले बाँकी मतगणना आज अपरान्हदेखि शुरू हुने जानकारी दिएका छन । शुरूमा पदाधिकारीको मतगणाना थाल्ने तयारी छ । पुस ५ गते भित्र सबै मत परिणाम सार्वजनिक भइसक्ने गरी मतगणना गरिने कार्यक्रम रहेको उनले बताएका छन ।
गत २४ मंसिरबाट शुरु भएको कांग्रेस १४औं महाधिवेशन अन्तर्गत नयाँ कार्यसमिति चयनका लागि २७ गते मतदान भएको थियो ।
पहिलो चरणको निर्वाचनमा सभापति पदका पाँच प्रतिस्पर्धीमध्ये कसैले पनि बहुमत ल्याउन नसकेपछि सबैभन्दा बढी मत ल्याएका दुई उम्मेदवार शेरबहादुर देउवा र शेखर कोइरालाबीच मंगलबार पुनः दोस्रो चरणको निर्वाचन भएको थियो ।
दोस्रो चरणको निर्वाचनमा शेखर कोइरालालाई ९०७ मतान्तरले पराजित गर्दै देउवा दोस्रो कार्यकालका लागि सभापति चुनिएका छन् । दोस्रो चरणको मतदानमा ४ हजार ६२३ मत खस्दा देउवाले २ हजार ७३३ मत पाए भने कोइरालाले १ हजार ८५५ मत पाए । ३५ मत भने बदर भएको थियो ।
