२०८३, कार्तिक २२ गते
शनिवार, कार्तिक २२ गते २०८३
सोमवार , मंसिर २७, २०७८
Shares
काठमाडौँ, मंसिर । नेपाली काँग्रेसको १४ महाधिवेशनको मतदानका लागि अब केही घन्टामात्र बाँकी छ । उम्मेदबारहरुको अन्तिम नामावली प्रकाशन भइसकेको छ भने अरु निर्वाचनको प्रक्रिया पनि पूरा भएको छ । यसै सिलसिलामा सभापतिमा कसले बाजी मार्छ भन्ने कुराले धेरै चर्चा पाएको छ । त्यसमा आ–आफ्नै दाबी रहेका छन् । निर्वाचन प्रक्रियाको सुरुआत हुनै लाग्दा काँग्रेसका वरिष्ठ नेता रामचन्द्र पौडेलले महाधिवेशनको निर्वाचन प्रक्रियाबाट अलग रहेको विज्ञप्ति अकस्मात प्रकाशन गरेपछि असअघिदेखि पौडेल समूह भनी आएको समूहभित्र अकस्मात सन्नाटा छाएको थियो । उनले आफूलाई एक पटक सभापतिमा छोडिदिन आफ्नो अर्थात् १३ औँ महाधिवेशनपछि आजका दिनसम्म पौडेल पक्ष भनिएको समूहसँग आग्रह गरेका थिए । तर उनलाई शेखर कोइराला र प्रकाशमान सिंहले भने मानेनन् । त्यसपछि भावुक भएका उनले आफू निर्वाचन प्रक्रियाबाट नै अलग भएको घोषणा गरेका थिए । यसैबीच हिजो साँझ सभापतिका एकजना उम्मेदबार शेखर कोइरालाले आफूलाई रामचन्द्र पौडेलको पनि साथ रहेको भनी गरेको प्रचारको पौडेलले भने खण्डन गरेका छन् । पौडेलले भने– मैले निर्वाचन प्रक्रियाबाट नै आफूलाई अलग गरेकाले म यो वा त्यो पक्षमा भनेर मत माग्दिन, कसैले मलाई समर्थन छ भनेर मेरो नाम प्रचार गर्नु राम्रो होइन । यसरी पौडेलले शेखरको भनाईमा सत्यता नरहेको स्पष्ट गरेका हुन् । त्यसैगरी शेखरले आइतबार साँझ नै आफू र सशांकले संयुक्त पत्रकार सम्मेलन गर्ने भने र प्रचार गरेका थिए । तर साँझ आयोजित सो प्रेस सम्मेलनमा सशांक भने उपस्थित थिएनन् । उनी पत्रकार सम्मेलनमा त गएनन् नै आफू निकटहरुलाई पनि आफूले शेखरलाई सहयोग गरेको भनेर प्रचार मात्र गरिएको तर आफू नगएको भनेका छन् ।उता शनिबार राति प्रधानमन्त्री शेरबहादुर देउवाले वरिष्ठ नेता पौडेललाई आफ्नै निवासमै पुगेर भेटेका थिए । त्यस भेटका क्रममा प्रधानमन्त्रीले आफ्नो नेतृत्वमा पार्टी चुनावमा गए पार्टीले स्पष्ट बहुमत ल्याउने र त्यसपछि पौडेललाई राष्टपतिको उम्मेबार बनाउने बताएका थिए । त्यसपछि पौडेल पनि मौन रहेका बताइएको छ ।देउवा पक्षले भने पौडेलले आफूहरुलाई सहयोग गर्ने आस्वासन पाएको बताएको छ । तर देउवा पक्षले यो कुरा भने सार्वजनिक गरेको छैन । उता शेखरले भने आफूलाई पौडेलको साथ रहेको भनेर प्रचार गरिरहेका छन् तर त्यसमा सत्यता छैन भनेर पौडेलले भनीसकेका छन् ।
Copyright © 2026 All right reserved to Demo Khabar Site By: SobizTrend Technology
