शनिवार, कार्तिक २२ गते २०८३
शनिवार, कार्तिक २२ गते २०८३
शनिवार , मंसिर २५, २०७८
काठमाडौं, मंसिर । नेपाली कांग्रेसको १४ औं महाधिवेशनमा नेतृत्व चयनका लागि आज मनोनयन भएको छ । आज भएको मनोनयनमा सभापति पदका लागि ६ जनाको उम्मेदवारी परेको छ । नेपाली कांग्रेस केन्द्रिय निर्बाचन समितिका अनुसार, सभापतिका लागि शेरबहादुर देउवा, डा. शेखर कोइराला, विमलेन्द्र निधी, प्रकाशमान सिंह, कल्याण श्रेष्ठ र युवराज न्यौपाने छन ।
त्यस्तै, उपसभापतिका लागि दुई जनाको पदमा सात जनाको उम्मेदवारी परेको छ । जसमा महेश आचार्य, सुजाता कोइराला, डा. चन्द्र भण्डारी, धनराज गुरुङ, पूर्णबहादुर खड्का, विजयकुमार गच्छदार र दिवेश्वरी शाह रहेका छन् ।
दुई जना महामन्त्री पदका लागि ६ जनाको उम्मेदवारी परेको जनाइएको छ । गगनकुमार थापा, विश्वप्रकाश शर्मा, डा. मिनेन्द्र रिजाल, डा. प्रकाशशरण महत, प्रदीप पौडेल र डा. राजाराम कार्कीको उम्मेदवारी परेको हो ।
आठ जना सहमहामन्त्रीका लागि बद्रीप्रसाद पाण्डे, फरमुल्लाह मन्सुर, मानबहादुर विश्वकर्मा, देवराज चालिसे, सुरेन्द्रप्रसाद चौधरी, किशोरसिंह राठौर, रञ्जित कर्ण, जीवन परियार, विकास लामा, रामकृष्ण यादव, कमला पन्त, तेजुलाल चौधरी, जीवनबहादुर शाही, गंगा सुनार, महेन्द्र यादव, भीष्मराज आङदेम्बे, चेतराज बजाल, शेख वकील, उमाकान्त चौधरी र डिना उपाध्यायके उम्मेदवारी परेको छ ।
त्यस्तै, सदस्यहरुमा थारुमा १४, मधेसीमा ३२, आदिवासी जनजातिमा ८३, खसआर्यमा ९३, दलितमा ३९, महिलामा ३१, पिछडिएको क्षेत्रमा २, अपाङ्गतातर्फ १६, अल्पसंख्यकमा ६, मुस्लिममा १६, प्रदेश १ मा १३, प्रदेश २ मा ३, बागमती प्रदेशमा ९, गण्डकी प्रदेशमा ७, लुम्बिनी प्रदेशमा ११, कर्णाली प्रदेशमा ७, सुदूरपश्चिम प्रदेशमा १२ तथा खुलातर्फ १०९ जनाको उम्मेदवारी परेको छ ।
यस्तो छ निर्वाचन तालिका
केन्द्रीय निर्वाचन समितिका अनुसार, बिहान १० देखि साँझ ५ बजेसम्मका लागि उम्मेदवारी दर्ताको समय रहेको थियो ।
उम्मेदवारको पहिलो नामावली प्रकाशन आजै राति ९ देखि १२ बजेसम्म, मनोनयन पत्र फिर्ता लिइसक्नुपर्ने समय भोलि बिहान ११ बजेसम्म, उम्मेदवारको अन्तिम नामावली प्रकाशन भोलि दिउँसो दिउँसो १२ः१५ बजे र मतदान पर्सी सोमबार बिहान ८ बजेदेखि हुनेछ ।
यस महाधिवेशनमा कांग्रेस नेतृत्व चयन गर्ने महाधिवेशन प्रतिनिधिको सङ्ख्या जम्मा चार हजार ७४३ कायम रहेको छ । पार्टीको केन्द्रीय निर्वाचन समितिका अनुसार १६५ सङ्घीय निर्वाचन क्षेत्र, भ्रातृ तथा शुभेच्छुक संस्था र विदेशस्थित जनसम्पर्कबाट गरी उक्त सङ्ख्यामा महाधिवेशन प्रतिनिधिहरु चयन भएका हुन् ।
