आइतवार, आश्विन ४ गते २०८३
आइतवार, आश्विन ४ गते २०८३
नेपाल-चीन विद्युत प्रसारण लाइन आयोजना (चिलिमे केरुङ) कार्यान्वयनमा चीनलाई पठाउने प्रतिउत्तर पत्र स्वीकृत
सोमवार , जेठ ११, २०८३
काठमाडौं, जेठ ।
सरकारले नेपाल-चीन जोड्ने विद्युत प्रसार णलाइन आयोजना (चिलिमे - केरुङ) को कार्यान्वयनका लागि चीन सरकारलाई पठाउने प्रतिउत्तरपत्र स्वीकृत गरेको छ।
आज बसेको मन्त्रिपरिषद् बैठकले प्रतिउत्तरपत्र स्वीकृत गर्नेसहित ४ वटा निर्णय गरेको हो।
बैठकले कृषि, वन तथा वातावरण मन्त्रालयको निर्णय अनुसार आर्थिक वर्ष २०८३/८४ का लागि वर्षे धान बालीको न्यूनतम समर्थन मूल्य निर्धारण गर्ने निर्णय गरेको छ।
जस अन्तर्गत मोटा धानको प्रति क्विन्टल ३,६६० रुपैयाँ र मध्यम धानको प्रति क्विन्टल ३,८६० रुपैयाँ तोकिएको छ।
यसैगरी बैठकले सहकारीमा भएको बेथिति जाँचबुझ आयोग, २०८२ को प्रतिवेदनलाई सार्वजनिक गर्ने र नागरिक उड्डयन प्राधिकरणको महानिर्देशक पदमा सहसचिव मुकेश डंगोललाई नियुक्त गर्ने निर्णय गरेको छ।
