सोमवार, आश्विन ५ गते २०८३
सोमवार, आश्विन ५ गते २०८३
बिहिवार , जेठ ७, २०८३
काठमाडौँ, जेठ ।
जल तथा मौसम विज्ञान विभाग अन्तर्गतको मौसम पूर्वानुमान महाशाखाले शुक्रबार र शनिबार सुदूरपश्चिम प्रदेशका पहाडी तथा तराई भूभागमा तातो हावा चल्ने सम्भावना रहेको बताएको छ ।
महाशाखाका अनुसार भोलि र पर्सी लुम्बिनी प्रदेशका पहाडी तथा तराई भूभागमा तातो दिन हुने सम्भावना छ ।
हाल नेपालमा पश्चिमी वायु र स्थानीय वायु तथा नेपालको पूर्वी भू-भाग नजिक रहेको न्यून चापीय क्षेत्रको प्रभाव रहेको छ ।
बिहीबार राति कोशी, मधेस, बागमती र गण्डकी प्रदेशका थोरै स्थानमा मेघगर्जन, चट्याङ्गसहित मध्यमसम्मको वर्षा हुने सम्भावना छ ।
भोलि कोशी, मधेस, बागमती र गण्डकी प्रदेशका तराई भूभाग तथा लुम्बिनी र कर्णाली प्रदेशको हिमाली र पहाडी भूभागका थोरै स्थानमा मेघगर्जन, चट्याङ्गसहित मध्यम वर्षाको सम्भावना छ ।
पर्सी गण्डकी प्रदेशको पहाडी भूभागको एक, दुई स्थानमा भारी वर्षा हुने पूर्वानुमान रहेको महाशाखाले जनाएको छ ।
