आइतवार, आश्विन ४ गते २०८३
आइतवार, आश्विन ४ गते २०८३
शुक्रवार , जेठ १, २०८३
काठमाडौं, जेठ।
हाल नेपालमा पश्चिमी वायु स्थानीय वायु र तल्लो वायुमण्डलमा विकसित भएको न्यून चापीय क्षेत्रको प्रभाव देखिएको छ।
जल तथा मौसम विज्ञान विभाग मौसम पूर्वानुमान महाशाखाका अनुसार हाल कोशी, बागमती र गण्डकी प्रदेशका हिमाली तथा पहाडी भू-भागमा साधारणतया बदली रहेको छ भने बाँकी भू-भागमा आंशिक बदली छ।
हाल बागमती र गण्डकी प्रदेशका थोरै स्थानहरूका साथै कोशी प्रदेशका एक- दुई स्थानमा हल्का वर्षा भइरहेको छ। महाशाखाका अनुसार आज दिउँसो कोशी, बागमती र गण्डकी प्रदेश लगायत अन्य पहाडी भू-भागमा साधारणतया बदली रहनेछ।
कोशी, बागमती र गण्डकीका केही स्थानहरू तथा बाँकी पहाडी भू-भागका थोरै स्थानमा चट्याङ्गसहित मध्यम वर्षा र हिमपातको सम्भावना रहेको छ। तराईका एक- दुई स्थानमा समेत हल्का वर्षा हुनसक्ने देखिएको छ।
आज राति कोशी, मधेस, बागमती र गण्डकी प्रदेश लगायत देशका हिमाली र पहाडी भू-भागमा साधारणतया बदली रहनेछ। बाँकी पहाडी र तराई भू-भागमा भने आंशिक बदली हुनेछ।
कोशी र मधेस प्रदेश लगायत बागमती र गण्डकी प्रदेशका पहाडी भू-भागका थोरै स्थानहरूमा वर्षाको सम्भावना छ।
यस्तै, कर्णाली र सुदूरपश्चिम प्रदेशका हिमाली भू-भागका एक- दुई स्थानमा चट्याङ्गसहित हल्कादेखि मध्यम वर्षा र हिमपात हुनसक्ने महाशाखाले जनाएको छ।
