आइतवार, आश्विन ४ गते २०८३
आइतवार, आश्विन ४ गते २०८३
शुक्रवार , माघ १६, २०८२
गुल्मी, माघ। नेपाली कांग्रेसका नेता डा. चन्द्र भण्डारीले मुलुकको सकारात्मक परिवर्तन कांग्रेसले मात्र गर्नसक्ने बताएका छन । गुल्मीको चन्द्रकोट गाउँपालिकाको शान्तिपुरमा आयोजित कार्यक्रमलाई सम्बोधन गर्दै नेता भण्डारीले कांग्रेसमा भएको परिवर्तनसँगैको युवा नेतृत्वले मात्रै देशको सकारात्मक परिवर्तन गर्न सक्ने बताएका हुन ।
यस जिल्लाको प्रतिनिधिसभा क्षेत्र नम्बर - १ का उम्मेदवार समेत रहेका उनले कांग्रेस सभापति गगन थापालाई मुलुकको प्रधानमन्त्री बनाउन सबैले रुख चिन्हमा मतदान गर्न आवश्यक रहेको बताए ।
देशमा सुशासन र समुन्नति कायम गर्न गगनले मात्रै सक्ने भन्दै उनले अहिलेको बदलिएको कांग्रेसले देश पनि बदल्ने बताए । बदलिएको कांग्रेसले देश बदल्ने दश संकल्प ल्याउन लागेको भन्दै उनले अबको कांग्रेस पुरानो अनुभव र रुपान्तरित भएर अगाडि बढेको नेता भण्डारीले बताए ।
मुलुकका हरेक समस्या समाधान गर्ने क्षमता गगनमा मात्र भएको भन्दै उनले आगामी फागुन २१ पछि बन्ने सरकारको नेतृत्व गगन थापाले गर्न आवश्यक रहेको बताए ।
त्यसैगरी नेता भण्डारीले जनताका आवश्यकतासँगै क्षेत्रको विकासका लागि आफू निरन्तर रुपमा लागेको बताए । यहाँको जनताको आवाजलाई विगतमा जस्तै निरन्तर संसदमा बोल्ने उनले उल्लेख गरे।
कार्यक्रममा कांग्रेस गुल्मीका सभापति खिलध्वज पन्थी र कांग्रेस लुम्बिनी प्रदेश सदस्य द्रोण खत्रीले सबै नेता तथा कार्यकर्ताहरु एक जुट भएर देश बदल्ने अभियानमा लाग्नुपर्ने बताए ।
