सोमवार, आश्विन ५ गते २०८३
सोमवार, आश्विन ५ गते २०८३
बुधवार , जेठ ८, २०८२
काठमाडौँ, जेठ । सेयर कारोबार मापक नेप्से परिसूचक बुधबार ७.९४ अंकले घटेको छ । अघिल्लो दिनको तुलनामा ०.२९ प्रतिशतले घटेर समग्र नेप्से २ हजार ६६९.५१ बिन्दुमा ओर्लेर बन्द भएको छ ।
गत मंगलबार ४९ अंक बढेर बन्द भएको नेप्सेले बुधबार घटेको हो । सो दिन कारोबारमा आएकामध्ये ९३ कम्पनीको सेयर मूल्य बढ्यो भने १५३ वटाको घट्यो र एउटाको स्थिर रह्यो ।
८८ हजार १२१ पटकको सेयर कारोबारमा २ करोड ३० लाख २६ हजार २४५ कित्ता सेयर किनबेच भए । ती किनबेचमा १० अर्ब ६९ करोड ८६ लाख रुपैयाँ बराबरको कारोबार भएको छ ।
अघिल्लो कारोबार दिनको तुलनामा कारोबार रकम भने बढेको हो । गत मंगलबार सेयर बजारमा ७ अर्ब ३१ करोड रुपैयाँ बराबरको सेयर कारोबार भएको थियो ।
आइतबार कारोबारमा आएका १३ उपसमूहमध्ये बैंकिङ, विकास बैंक र सामूहिक लगानी कोषको परिसूचक बढे । बाँकी उपसमूहको परिसूचक घटेको नेप्सेले जनाएको छ ।
