आइतवार, आश्विन ४ गते २०८३
आइतवार, आश्विन ४ गते २०८३
आइतवार , पौष १४, २०८१
काठमाडौँ, पुस । राजनीतिक स्थायित्वका निम्ति कांग्रेस र एमालेको गठबन्धन सरकार बनेको कांग्रेस नेता डा. शेखर कोइरालाले बताएका छन् ।
जनकपुरमा आइतबार सञ्चारकर्मीहरूसँग कुरा गर्दै नेता कोइरालाले भने, ' पटक- पटक सरकार बदलिँदा विकासका काममा बाधा परेकाले अहिलेको सरकार विकासलाई गति दिन बनेको हाे ।'
सुशासन स्थापित गर्न, भ्रष्टाचार नियन्त्रण गर्नका लागि अहिलेको सरकार बनेको समेत कोइरालाले बताए ।
नेता कोइरालाले संविधानमा केही सुधार गर्न अहिलेको सरकार बनेको र एक हप्तायता कांग्रेस र एमालेबीच सक्रियतापूर्वक काम भइरहेको बताए ।
'अब संविधान जस्तो कुरा अन्य दलहरुसँग पनि मिलेर हामीले संविधानमा केही सुधारहरु गर्नुपर्ने हुन्छ । माओवादी, मधेसका दलहरु, रास्वपा अन्य दलहरुसँग मिलेर संविधान सुधारका कुरा गर्नुपर्छ । '
'नेपाली काँग्रेस र एमाले मात्रै मिलेर सोच्यौँ भने त्यो फेरि गलत बाटोतिर हामी जान थाल्छौँ,' उनले भने ।
नेता कोइरालाले यो सरकारलाई असफल हुने छुट नरहेको बताए । अहिलेको सरकार असफल भए देश अराजकतातिर जाने उनको भनाइ छ ।
