सोमवार, आश्विन ५ गते २०८३
सोमवार, आश्विन ५ गते २०८३
बिहिवार , कार्तिक ८, २०८१
कजान (रुस), कात्तिक । संयुक्त राष्ट्रसङ्घका महासचिव एन्टोनियो गुटेरेसले बिहीबार रुसी राष्ट्रपति भ्लादिमिर पुटिनले आयोजना गर्नुभएको ब्रिक्स नेताहरूको बैठकमा युक्रेनमा ‘न्यायपूर्ण शान्ति’ को आह्वान गरेका छन ।
उहाँ पुटिनले किएभमाथि पूर्णस्तरको सैन्य आक्रमण सुरु गर्नुभएको केही हप्तापछि सन् २०२२ अप्रिलयता पहिलो पटक रुसमा हुनुहुन्थ्यो ।
“हामीलाई युक्रेनमा शान्ति चाहिन्छ । संयुक्त राष्ट्रसङ्घीय घोषणापत्र, अन्तर्राष्ट्रिय कानून र महासभाका प्रस्तावहरु अनुरुप न्यायपूर्ण शान्ति”, गुटेरेसले ब्रिक्स नेताहरूको गोलमेच बैठकमा बताए ।
उनले मध्यपूर्वमा पनि शान्तिको आह्वान गर्दै गाजामा ‘तत्काल युद्धविराम’ र लेबनानमा ‘तत्काल शत्रुताको अन्त्य’ हुनुपर्ने बताए ।
“विश्वव्यापी चुनौतीहरुको सामना गर्न विश्व परिवारका रुपमा काम गर्ने राष्ट्रहरुको समुदाय चाहिन्छ” महासचिव गुटेरेसले आफ्नो प्रारम्भिक टिप्पणीमा भने ।
उनले आफ्नो कुरा सकेपछि पुटिनले कठोर जवाफ दिए । “महासचिव महोदयले हामी सबै एउटै ठूलो परिवारका रुपमा बस्नुपर्छ भने, परिवारमा दुर्भाग्यवश प्रायः झगडा, स्क्यान्डल, सम्पत्तिको बाँडफाँट र कहिलेकाहीँ लडाइँ पनि हुन्छन्”, उनले मुस्कुराउँदै भने, “ब्रिक्सको लक्ष्य आवश्यक अन्तरक्रियाका संयन्त्रहरु सिर्जना गर्नु र साझा घरमा अनुकूल वातावरण सिर्जना गर्नु हो ।”
युक्रेनले पुटिनलाई ‘अपराधी’ भन्दै गुटेरेसको रुस भ्रमणको निर्णयको निन्दा गरेको थियो । महासचिव गुटेरेसले बिहीबार पुटिनसँग द्विपक्षीय वार्ता गर्दैछन ।
वार्तामा उनले युक्रेनबारे आफ्नो अडान दोहोर्याउने उनका प्रवक्ताले बताएका छन् । एएफपी
