सोमवार, आश्विन ५ गते २०८३
सोमवार, आश्विन ५ गते २०८३
सोमवार , भाद्र २४, २०८१
राजविराज, भदौ । माओवादी केन्द्रका अध्यक्ष पुष्पकमल दाहालले आफू सरकारबाट बाहिरिँदा बेदाग रहेर बाहिरिएको दाबी गरेका छन् ।
जनयुद्धको क्रममा सप्तरीमा सहिद भएका दुर्गाराज पौडेल (सुरज ) र उपेन्द्र कोइराला (अर्जुन) को शालिकको सुरुङ्गा नगरपालिका - २ रक्साहामा सोमबार साँझ अनावरण गर्दै पूर्व प्रधानमन्त्री दाहालले देश र जनताको पक्षमा काम गरिरहँदा पनि सरकारबाट बाहिरिनु परेको बताए ।
भूमाफियाका विरुद्ध, नक्कली भुटानी शरनार्थी प्रकरण र सामाजिक न्यायको पक्षमा कार्य गरिरहँदा पनि सरकारबाट बाहिरिनु पर्ने अवस्था सिर्जना गरिएको उनले बताए ।
मधेशमा विकराल समस्याको रूपमा रहेको नागरिकता समस्या समाधान गर्न आफ्नो नेतृत्वको सरकारले बाटो खोलेको उनको दाबी थियो ।
माओवादी केन्द्र अहिले प्रदेशहरुमा परामर्श बैठक गरिरहेको र मंगलबार मधेश प्रदेशमा परामर्श बैठक हुने बताउँदै दाहालले सहिदको रगतबाट प्राप्त उपलब्धिलाई दायाँबायाँ हुन नदिने प्रतिबद्धता जनाए ।
