आइतवार, कार्तिक २३ गते २०८३
आइतवार, कार्तिक २३ गते २०८३
उपभोग्य वस्तु सहज पार्न गाडी सुचारू : सामान अाउन थाले
शनिवार , चैत्र १५, २०७६
वीरगञ्ज , चैत । कोरोना भाइरसको महामारीबाट बच्न सरकारले लक डाउन गरेपछि जनता घरभित्र रहेको बेला वीरगञ्ज नाका भएर खाना पकाउने एलपी ग्याँस, ईन्धन, औषधी र खाद्यान्न बोकेका गाडी निर्वाध रुपमा भित्रिरहेका छन् ।
कोरोना भाईरसको संकमण नहोस् भनी घरभित्र बस्नका लागि सरकारले मुलुकभर लक डाउन घोषणा गरिएपछि ठप्प रहेको मुलुककै प्रमुख नाका वीरगञ्जबाट उपभोग्य वस्तु सहज पार्नको लागि यस्ता गाडीहरु सुचारू भएका हुन् ।
कामदार अभावमा लोड र अनलोडका केही समस्या भए पनि खाद्यान्न भित्रिरहेका छन् भने भन्सार एजेन्ट तथा भन्सार कर्मचारीले आफूलाई सुरक्षित राख्दै मालसामानको जाँचपास गराईरहेको वीरगञ्ज भन्सार कार्यालयका भन्सार प्रमुख ढुन्डीप्रसाद निरौलाले जानकारी िदए ।
भन्सार अधिकृत रमेश शुक्रमनीले उपलब्ध गराउनु भएको तथ्याङ्क अनुसार वीरगञ्ज नाका भएर पछिल्लो चार दिन अर्थात मंगलबारदेखि शुक्रबार सम्ममा ९ लाख ५० हजार ४९५ किलोग्राम धान , ४ लाख १६ हजार किलोग्राम चामल , १ लाख ८३ हजार ९७० किलोग्राम मकै , ८० हजार ४ सय किलोग्राम गँहु , २५ हजार २० किलोग्राम केराऊ , २५ हजार २० किलोग्राम चना , ९७ हजार ७६० किलोग्राम तोरी , ७९ हजार ४ सय १ किलोग्राम गोलभेडा , ६३ हजार ५ सय किलोग्राम प्याज र ५० हजार ३४ किलोग्राम बिभिन्न मिक्स तरकारी लगायतका खाद्यान्न भित्रिएको छ ।
त्यस्तैगरी पछिल्लो चार दिन अर्थात मंगलबारदेखि शुक्रबार सम्ममा वीरगञ्ज नाका भएर ५० हजार ४९७ किलो विभिन्न अत्यावश्यक औषधी भित्रिएको तथ्यांकमा उल्लेख छ भने सोही चार दिनमा ईन्धन र खाना पकाउने एलपी ग्यासको उल्लेख्य आयात भएको छ ।
पछिल्लो चार दिन अर्थात मंगलबार देखि शुक्रबार सम्ममा वीरगञ्ज नाका भएर २१ लाख ५३ हजार ५१० किलो खाना पकाउने एलपी ग्यास भित्रिएको छ भने पेट्रोल ८४४ किलो लिटर र डिजल ११ सय ६८ किलो लिटर भित्रिएको छ ।
