सोमवार, आश्विन ५ गते २०८३
सोमवार, आश्विन ५ गते २०८३
'धर्मनिरपेक्ष बारेर्मा छलफल गर्न सकिन्छ'
सोमवार , मंसिर ११, २०८०
काठमाडौँ, मंसिर । देशमा राजतन्त्र स्थापनाका बारेमा चको आन्दोलन भईरहेका बेला कुनै पनि हालतमा नफर्किने नेपाली कांग्रेसका सभापति शेरबहादुर देउवाले बताएका छन् । उनले भने, धर्मनिरपेक्षका बारेमा पार्टीमा छलफल गर्न सकिन्छ, पनि गणतन्त्र भने निर्विकल्प हो ।
सभापति देउवाले सो कुरा नवलपुर कांग्रेसको पहिलो जिल्ला सम्मेलनलाई सम्बोधन गर्दै भने, 'जनताले संविधानमार्फत फालिसकेको राजतन्त्र फर्कने कुनै सम्भावना छैन । ’
उनले भने, ‘केही दिनदेखि देखिएको गतिविधीबारे देउवाले केही बोलेनन् भन्ने सुनेको छु । हाम्रो पार्टीको स्पष्ट धारणा छ संघीयता र गणतन्त्रकोविरुद्ध हुने कुनै पनि गतिविधी हामिलाई मान्य छैन ।’
पार्टीका सबै मतभेद हटाएर संगठन बिस्तारमा लाग्न देउवाले कांग्रेस नेता कार्यकर्तालाई निर्देशन दिए ।
सम्मेलनमा बोल्दै नेपाली कांग्रेसका महामन्त्री गगन थापाले जनता र पार्टी कार्यकर्तामा रहेको अन्यौल हटाउन काग्रेसको नेतृत्व लागि परेको बताए ।
नेता र कार्यशैलीप्रति असन्तुष्टि जनाउनु फरक कुरा भएको भन्दै निरंकुश राजतन्त्रको बारेमा वकालत गर्नु भविष्यका लागि घातक हुने बताए ।
पार्टी जिल्ला सभापति तथा प्रदेशमन्त्री महेन्द्रध्वज जिसीको अध्यक्षतामा सुरु भएको प्रथम सम्मेलनले जिल्लाभित्र रहेका आर्थिक , सामाजिक र राजनितिक विषयमा छलफल गर्ने कार्यतालिका छ ।
