सोमवार, आश्विन ५ गते २०८३
सोमवार, आश्विन ५ गते २०८३
६४ जना कोरोना उपचारपछि घर फर्किए
मंगलवार , बैशाख १२, २०८०
काठमाडौँ, बैशाख । कोरोना भाइरस सङ्क्रमण पुनः बढेको छ । स्वास्थ्य तथा जनसङ्ख्या मन्त्रालयका अनुसार आज एक हजार ५९१ जनामा गरिएको परीक्षणमा १३६ जनामा सङ्क्रमण पुष्टि भएको छ ।
यस्तै सक्रिय सङ्क्रमित तीन ९० जना पुगेका छन् । हिजो ११३ जनामा सङ्क्रमण फेला परेको थियो । मन्त्रालयका अनुसार संस्थागत आइसोलेसनमा २७ जना, सघन उप कक्ष (आइसियु) मा चारजना र भेन्टिलेटरमा एक जना उपचाररत रहेका छन् ।
यस्तै आज ६४ जना कोरोना उपचारपछि घर फर्किएका छन् । मन्त्रालयले कोरोना भाइरसको सङ्क्रमण बढ्दै गइरहेकाले खोप लगाउन आग्रह गरेको छ ।
नेपालमा छिमेकी देशमा भारतमा फैलिएको कोरोना भाइरसको नयाँ भेरियन्ट ओमिक्रोन एक्सविवि. १.१६ देखा परेको छ ।
शून्यमा झरेको सङ्क्रमण नेपाल भारत खुला सीमानाका कारणले सङ्क्रमित नेपाल प्रवेश गर्नाले फैलिएको हो ।
