सोमवार, आश्विन ५ गते २०८३
सोमवार, आश्विन ५ गते २०८३
आइतवार , जेठ १, २०७९
लुम्बिनी, जेठ । भारतका प्रधानमन्त्री नरेन्द्र मोदीले नेपालसँगको सम्बन्धलाई थप प्रगाढ तल्याउनु आफ्नो भ्रमणको उद्देश्य भएको बताएका छन । लुम्बिनी भ्रमणको पूर्वसन्ध्यामा नयाँ दिल्लीबाट प्रस्थान वक्तव्य जारी गर्दै उनले भने, नेपालसँगको भारतको सम्बन्ध अतुलनीय छ ।
वक्तव्यमा प्रम मोदीले भनेका छन, “मेरो भ्रमणको उद्देश्य शताब्दिऔँदेखि प्रगाढ र अभिलेखित पारस्परिक सम्बन्धलाई मनाउने र त्यसलाई अझ गाढा बनाउनका निम्ति हो । ” प्रम मोदीले भोलि, सोमबार, बुद्ध जयन्तीको अवसरमा लुम्बिनीमा बिशेष पुजा गर्नेछन ।
परराष्ट जानकारका अनुसार, लुम्बिनीमा भारतीय प्रम मोदीको बिशेष पूजाले नेपाल भारतबीच बुद्ध जन्मस्थलको बिबाद अन्त्य हुने विश्वास छ । उनीहरु भन्छन, मोदीको लुम्बिनीमा बिशेष पुजाले भारतले बुद्ध नेपालमा जन्मेका हुन भन्ने कुटनीतिक रुपमा स्वीकार गरेको हो भनने संकेत गर्दछ ।
प्रधानमन्त्री देउवाको गत महिना भारत भ्रमणका क्रममा भएका फलदायी छलफलपछि प्रधानमन्त्री देउवालाई फेरि भेट्न आफू आतुर रहेको बताउँदै प्रधानमन्त्री मोदीले जलविद्युत्, विकास र सम्पर्क सञ्जार विस्तारलगायत विभिन्न क्षेत्रमा सहयोग बढाउन साझा समझदारीलाई निरन्तरता दिइने वक्तव्यमा उल्लेख गरेका छन । प्रधानमन्त्री देउवाको निमन्त्रणामा उहाँ भोलि विशेष विमानबाट यहाँ आउँदै हुनुहुन्छ ।
