शनिवार, कार्तिक २२ गते २०८३
शनिवार, कार्तिक २२ गते २०८३
बुधवार , मंसिर ८, २०७८
जनकपुर, मंसिर । लोकतान्त्रिक समाजवादी पार्टी धनुषाले जनकपुर – जयनगर रेल सञ्चालनको माग गर्दै प्रदेश २ को राजधानी जनकपुरधाममा बुधबार प्रर्दशन गरेको छ ।
सरकारले एक वर्षअघि नै भारतवाट दुईवटा रेल खरिद गरे पनि हालसम्म सञ्चालन नभएपछि लोसपाका नेता कार्यकर्ताले जनकपुरधाममा मानाइने विवाह पञ्चमी महोत्सव अगाडि नै रेल सञ्चालनको माग गर्दै प्रर्दशन गरेको हो ।
जनकपुरधामको जनक चौकवाट निस्केको लोसपाका नेता कार्यकर्ताले नगरको विभिन्न भागको परिक्रमा गरी प्रमुख जिल्ला अधिकारीमार्फत रेल सञ्चालनका लागि सरकारलाई ध्यानाकर्षण गराएको लोसपाका युवा नेता संजय चौधरीले जानकारी दिएका छन ।
रेल सञ्चालन नभएपछि यस क्षेत्रको पर्यटन प्रवद्धनमा समस्या भएको भन्दै लोसपाका नेता मनोज चौधरीले नेपाल रेल्वेको सञ्चालनका लागि माग गरे । यता नेपाल रेल्वेका महाप्रबन्धक निरन्जन झाले कानुनको अभावका कारण सञ्चालन हुन नसकेको बताएका छन ।
